मुंबई (विशेष प्रतिनिधी)
ज्येष्ठ अभिनेते नाना पाटेकर यांचे गुरुवारी गोव्यात ह्दयविकाराच्या तीव्र झटक्याने निधन झाले. नानाच्या निधनाबाबत महापालिका स्थायी समितीत शोक व्यक्त करण्यात आला. परिंदा चित्रपटापासून नावारुपाला आलेल्या या नायकाने आपल्या अभिनयाने मराठी व हिंदी चित्रपटात आपले आपले स्थान निर्माण करतानाही पडद्याबाहेरही सामाजिक क्षेत्रात नायकाची भूमिका बजावली. त्यामुळे नानांबाबत आपले अनुभव मांडत महापालिकेतील नगरसेवकांनी त्यांना श्रध्दांजली वाहिली.
मुंबई महापालिकेच्या स्थायी समितीमध्ये अध्यक्ष प्रभाकर शिंदे यांनी मराठी आणि हिंदी चित्रपट सृष्टीने एक उत्कृष्ठ अभिनेता गमावल्याची भावना व्यक्त करत चित्रपटात काम करत असताना पडद्यामागेही नायकाची भूमिका बजावत नाम फाऊंडेशन आणि त्यांच्या इतर संस्थांच्या माध्यमातून मदत करून खऱ्या अर्थाने सामाजिक क्षेत्रातही नायकाची भूमिका बजावल्याचे त्यांनी सांगत नानांना श्रध्दांजली वाहिली. तर सभागृहनेते गणेश खणकर यांनीही सहानभूती व्यक्त् करत नानांना श्रध्दांजली वाहिली. यावेळी उबाठाचे यशोधर फणसे यांनी अंधेरीत आपल्या प्रभागात राहत होते. त्यामुळे त्यांचा आणि आपला कशाप्रकारे मैत्रीपूर्ण संबंध होता असे जुने प्रसंग आणि अनुभव सांगत त्यांच्यासोबतच्या जुन्या आठवणींना उजाळा दिला. तर मनसेचे यशवंत किल्लेदार यांनी नानांबाबत श्रध्दांजली मांडताना परिंदा चित्रपटापासून ते प्रसिध्दीत आले. नाम फाऊंडेशनच्या माध्यमातून नानांनी दृष्काळग्रस्त गावांतील कुटुंबातील मदत केलीच आहे. पण त्याशिवाय नानांची स्वत:चीही संस्था आहे, ज्यामाध्यमातूनही त्यांनी केलेली आहे. परंतु, त्यांनी कधीही त्याची प्रसिध्दी केली नाही. कारण नानांची भावना अशी होती की केलेली मदत कधीही बोलून दाखवायची नाही. त्यामुळे नानांनी केलेल्या मदतीबाबत आपल्याला कल्पना नसेल. पाणी टंचाई ग्रस्त गावांनाही त्यांनी प्रचंड मदत केलेली आहे,असेही त्यांनी सांगितले.
भाजपच्या शीतल गंभीर यांनी नानांचे जुने घर माझ्याच प्रभागात असून आजही त्यांच्या जुन्या घराशेजारीच माझे कार्यालय आहे. माझे कार्यालयही त्यांच्यामुळेच मला मिळालेले आहे. नानांचे आणि गंभीर कुटुंबांचे घरोब्याचे संबंध आहेत. तसेच आजही बाबांना फोन करून त्यांच्या प्रकृतीची विचारपूस ते करत असतात. निवडून आल्यानंतरही नानांनी फोन करून बापाचे नाव राखलंस पोरी असे सांगत माझे अभिनंदन केले होते असाही अनुभव सांगितला. तर काँग्रेसचे अश्रफ आझमी यांनी दीड कोटींची गाडी विकून नानांनी त्यातील प्रत्येक कुटुंबाला १५ हजारांची मदत केल्याचा किस्सा सांगितला. तर माजी महापौर श्रध्दा जाधव यांनी अशोक सराफ यांच्या पेक्षा नानांना कमी मानधन मिळत असायचे सांगत त्यांच्या गरीबीचा अनुभव सांगितला. तसेच त्यांच्या शेतात पिकवलेली भाजी स्वत:पुरते ठेवून उरलेली भाजी घराबाहेर ठेवून इतरांना देण्यात येत होती. तसेच आता स्वत:च्या अंत्यसंस्काराची लाकडेही त्यांनी आधीच बाजुला काढून ठेवली आहेत असेही काही किस्से सांगितले. तर नानांनी अभिनयासोबत सामाजिक जाणीवेतून काम केल्याचे प्रकाश दरेकर यांनी सांगितले.