हॉलिवूड मधील चित्रपटांचे बॉलिवूडमध्ये अनेक रिमेक झालेले आहेत. बॉलिवूडमधील काही चित्रपट हे हॉलिवूडच्या चित्रपटांच्या कथांशी निगडित असलेल्या पाहायला मिळतात. पण हॉलिवूडने एखाद्या हिंदी चित्रपटाचा रिमेक बनवणे ही एक दुर्मिळ गोष्ट आहे. पण २०१५ मध्ये हे घडले आणि तेही त्या चित्रपटाच्या बाबतीत ज्या चित्रपटाने ८० च्या दशकात नाना पाटेकर यांना प्रसिद्धी मिळवून दिली होती. आज ज्येष्ठ अभिनेते नाना पाटेकर यांचे हृदयविकाराच्या झटक्याने निधन झाले. त्यांच्या आठवणींना उजाळा देताना हॉलिवूडने रिमेक केलेल्या त्यांच्या या हिंदी सिनेमाची आठवण करणे महत्त्वाचे आहे.
१९८९ मध्ये विधू विनोद चोप्रा यांनी दिग्दर्शन केलेला ‘परिंदा’ चित्रपट प्रेक्षकांच्या भेटली आला होता. या चित्रपटात अनिल कपूर आणि जॅकी श्रॉफ यांनी अण्णाची भूमिका साकारलेल्या नाना पाटेकरांच्या हाताखाली राहणाऱ्या आणि काम करणाऱ्या भावांची भूमिका साकारली होती. माधुरी दीक्षित देखील या चित्रपटामध्ये पारोची भूमिका साकारली होती. हा चित्रपट व्यावसायिकदृष्ट्या यशस्वी ठरला तसेच त्याचे संगीत देखील लोकप्रिय झाले. या चित्रपटाने दोन राष्ट्रीय चित्रपट पुरस्कार जिंकले. तसेच पाच फिल्मफेअर पुरस्कार जिंकले आणि १९९० मध्ये सर्वोत्कृष्ट परदेशी भाषेतील चित्रपटासाठीच्या अकादमी पुरस्काराकरिता भारताची अधिकृत निवड ठरला. नाना पाटेकर यांना या चित्रपटासाठी त्यांचा पहिला राष्ट्रीय पुरस्कार मिळाला.
https://www.prahaar.in/2026/10/08/nana-patekars-special-bond-with-nashik-reliving-memories-ranging-from-his-acting-career-to-social-work/
याच चित्रपटासाठी त्यानं त्यांचा पहिला राष्ट्रीय पुरस्कार मिळाला होता. विधू विनोद चोप्रा यांनी दिग्दर्शित केलेला परिंदा या चित्रपटाचा पहिल्यांदा तमिळ भाषेत रिमेक करण्यात आला. ‘आसाई थंबी’ या नावाने १९९८ मध्ये हा रिमेक करण्यात आला. २०१२ मध्ये विधू विनोद चोप्रा यांनी हॉलिवूडमध्ये सिनेमाचा रिमेक येत असल्याची घोषणा केली. त्यांनी सांगितले होते की, ते हॉलिवूडच्या कलाकारांना एकत्र घेऊन अमेरिकन प्रेक्षकांसाठी हा चित्रपट रूपांतरित करणार आहेत. त्यानंतर २०१५ मध्ये ‘ब्रोकन हॉर्सेस’ हॉलिवूडचा हा चित्रपट प्रदर्शित झाला. अँटोन येलचिन आणि ख्रिस मार्क्वेट यांना दोन मुख्य भूमिकांसाठी निवडण्यात आले, तर व्हिन्सेंट डी’ओनोफ्रिओ यांनी ज्युलियस हेंच म्हणजेच या चित्रपटातील ‘ॲना’ची भूमिका साकारली. रिलायन्स एंटरटेनमेंट आणि फॉक्स स्टार स्टुडिओ यांनी जगभरात चित्रपटाची निर्मिती आणि वितरणाची जबाबदारी स्वीकारली.