मुंबई : दुष्काळातही मुख्यमंत्री माझी लाडकी बहीण योजना बंद होणार नाही अशी ग्वाही उपमुख्यमंत्री एकनाथ शिंदे यांनी बुधवारी परभणी येथील सभेत दिली. ‘कोणीही आले तरी लाडकी बहीण योजना कधीच बंद होणार नाही’, असे त्यांनी स्पष्ट केले.

विधानसभा निवडणुकीपूर्वी राज्य सरकारने मुख्यमंत्री लाडकी बहीण योजना सुरू केली. अडीच लाख रुपयांपेक्षा कमी वार्षिक कौटुंबिक उत्पन्न असलेल्या पात्र महिलांना या योजनेअंतर्गत दरमहा १ हजार ५०० रुपयांची आर्थिक मदत दिली जाते. योजनेसाठी विविध अटी निश्चित करण्यात आल्या असून, पात्र लाभार्थी महिलांच्या बँक खात्यात रक्कम जमा केली जाते. योजनेचा लाभ पात्र महिलांनाच मिळावा आणि अपात्र लाभार्थींना वगळता यावे, यासाठी सरकारने ई-केवायसी प्रक्रिया सुरू केली. त्यानंतर ई-केवायसी न करणाऱ्या तसेच निकषांनुसार अपात्र ठरणाऱ्या अनेक महिलांची नावे लाभार्थी यादीतून वगळण्यात आली. काही ठिकाणी पात्रतेच्या अटींचे पालन न करताही लाभ घेतल्याचे आढळून आले होते. त्यामुळे योजनेच्या लाभार्थी संख्येत घट झाली आहे.

https://www.prahaar.in/2026/10/07/chief-minister-devendra-fadnavis-expresses-confidence-that-the-resolve-for-a-viksit-bharat-developed-india-will-be-fulfilled-under-the-leadership-of-prime-minister-narendra-modi/

दरम्यान, लाभार्थी महिलांची नावे वगळण्यात आल्याच्या पार्श्वभूमीवर विरोधकांकडून योजना बंद होण्याची शक्यता व्यक्त केली जात आहे. योजनेच्या आर्थिक भाराबाबतही चर्चा सुरू आहे. या पार्श्वभूमीवर शिंदे यांनी योजना बंद होणार नसल्याचे स्पष्ट केले.