पर्यायी ४७२० वृक्षांचे रोप आता बदलापूरमधील वन विभागाच्या जागेत करणार

वृक्ष प्राधिकरणाने दिली मंजुरी

मुंबई (विशेष प्रतिनिधी)

एस’ विभागातील भांडूप संकुल, भांडूप (प.), मुंबई येथील प्रस्तावित नविन २००० दशलक्ष लिटर क्षमतेचे जलशुध्दीकरण प्रकल्पाचे काम हाती घेण्यात आले आहे. या प्रकल्प कामाला सुरुवात करता यावी तीन टप्प्यात प्रत्येक २५ बाधित झाडांना क कापण्यास आणि पुनर्रोपित करण्यास परवानगी दिल्यानंतर आता यातील बाधित ३३४ बाधित झाडांपैकी १८४ झाडे कापण्यास वृक्ष प्राधिकरणाची मंजुरी देण्यात आली.

मुंबईत महापालिकेच्यावतीने धरणांमधील पाण्यावर भांडुप संकुलातील शुध्दीकरण करण्यात येत असून याठिकाणी अजून २००० दशलक्ष लिटर क्षमतेचे जलशुध्दीकरण केंद्र उभारण्यात येत आहे. या जलशुध्दीकरण केंद्राच्या बांधकामामध्ये ३३४ झाडे बाधित होत असून त्यामध्ये १८४ वृक्ष कापण्यास व १५० वृक्ष पुनर्रोपित करण्याचा प्रस्ताव वृृक्ष प्राधिकरणापुढे मंजुरीसाठी ठेवण्यात आला होता.

महापालिकेच्या पाणी पुरवठा प्रकल्प कामाचे कार्यकारी अभियंता यांनी मार्च २०२६ रोजी या जागेवरील २५ झाडे तातडीने काढण्याची आवश्यकता असल्याने आयुक्त तथा प्राधिकरणाचे अध्यक्ष यांच्या परवानगी कापणे आणि पुनर्रोपित करण्यास परवानगी मिळवली होती. त्यानुसार यातील एक झाड मृत असल्याने १२ झाडे कापली आणि १२ झाडे पुनर्रोपित केली होती. त्यानंतर (फेज-२) त्या जागेवरील २५ तातडीने काढणे आवश्यक असल्याने एकूण बाधीत २५ वृक्षांपैकी सदरची फक्त २१ वृक्ष कापणे पुनर्रोपित करण्यास महानगरपालिका आयुक्त यांनी २५ मार्च रोजी परवानगी दिली. त्यानंतर फेज-३मध्ये या जागेवरील २४ तातडीने काढणे आवश्यक असल्याने एकूण बाधीत २४ वृक्षांपैकी सदरची फक्त ०९ वृक्ष कापणे व १५ पुनर्रोषित करण्यास महानगरपालिका आयुक्तांनी ९ एप्रिल २०२६ रोजी यापूर्वीच परवानगी देण्यात आली आहे.

त्यानंतर आता येथील १८४ वृक्ष कापणे, १५० वृक्ष पुनर्रोपित करणेकरीता करण्याचा प्रस्ताव सादर करण्यात आला होता. या बदल्यात ४७२० नवी झाडे लावण्यात येणार आहे. ही सर्व झाडे ठाणे विभागातील बदलापूरमधील वन विभागाच्या जागेवर लावण्यात येणार आहे. सहा हेक्टर जागेत हि सर्व झाडे लावण्यात येणार आहेत.