मुंबई: आध्यात्मिक गुरू नीम करौली बाबा यांच्या जीवनावर आधारित असलेल्या ‘हनुमान अंश’ चित्रपटाने बॉक्स ऑफिसवर इतिहास रचला. अवघ्या 1.5 कोटी ते 2 कोटीच्या बजेटमध्ये तयार झालेल्या ह्या चित्रपटाने दीड महिन्यामध्ये 408 कोटींचा गल्ला जमावला आहे. चित्रपटाने प्रेक्षकांच्या मनावर अधिराज्य तर गाजवले आहे, पण गाण्यांनीही प्रेक्षकांवर भुरळ घातली आहे. चित्रपटातील ‘मैंने तेरे ही भरोसे हनुमान’ आणि ‘ पार्वती’ गाण्याने प्रेक्षकांवर भुरळ घातली आहे. सोशल मीडियावर स्क्रोल करताना या गाण्यांचे अनेक रिल आपल्याला पाहायला मिळतात. ‘मैंने तेरे ही भरोसे हनुमान’ गाण्याच्या सिंगरने आपल्या आवाजाने प्रेक्षकांना आपलंसं केलं आहे. या गायका संबंधित एक महत्त्वाची बातमी आहे.

https://www.prahaar.in/2026/09/30/ramayana-casting-why-ranbir-kapoor-was-chosen-as-lord-ram-makers-reveal-the-reason-in-video/

‘मैंने तेरे ही भरोसे हनुमान’ गाणं गायक सुनिल लोधी या तरूणाने गायलं आहे. सुनील लोधी पूर्वीपासूनच दृष्टीहीन आहे. या दृष्टिहीन गायकावर उपचार करण्याचा संपूर्ण खर्च चित्रपटाच्या निर्मात्या करणार असल्याची माहिती त्यांनी स्वत: दिली आहे. दैनिक भास्करला दिलेल्या मुलाखतीत अनुप्रिया नागर यांनी सांगितले की, “जेव्हा सुनील मुंबईत येईल, तेव्हा त्याच्या डोळ्यांची नेत्रतज्ज्ञांकडे तपासणी करून घेणार आहे. नोव्हेंबर महिन्यामध्ये त्याच्या डोळ्यांवर उपचार केले जाण्याची शक्यता आहे. अद्याप त्याच्यावर कोणत्या हॉस्पिटलमध्ये उपचार केले जाणार? हे ठरलेलं नाहीये. सुनील बालपणापासूनच दृष्टिहीन आहे. सुनील काही महिन्यांपूर्वी मुंबईमध्ये आला होता, त्यावेळी त्याची एका नेत्रतज्ज्ञांकडे अपॉईंटमेंट घेतली होती, पण त्यावेळी त्याच्यावर उपचार होऊ शकले नाहीत.”

https://www.prahaar.in/2026/09/30/ghanshyam-darode-chhota-pudhari-buys-his-own-home-at-just-21-ghanshyam-darode-gets-emotional-while-sharing-this-special-moment-with-fans/

अनुपप्रिया यांनी सांगितले की, सुनीलसोबत बोलताना ती त्याच्या विचारांनी आणि त्याची देवावर असलेल्या श्रद्धेमुळे खूप प्रभावित झाली. तिने मुलाखती दरम्यान सांगितले की, “कठीण परिस्थितीतही सुनील आपल्या यशाचे आणि आयुष्यात मिळालेल्या प्रेमाचे सर्व श्रेय हनुमानजींना देतो. जेव्हा मी सुनील भैय्याशी बोलते, तेव्हा मला जाणवते की लोकांच्या मनामध्ये खूप निराशा आहे. अनेकदा लोकंही देवाला म्हणतात की, ‘तू माझ्यासोबत नाहीस, तू माझ्या विरोधात आहेस.’ पण जेव्हा जेव्हा मी सुनील भैय्याशी बोलते, तेव्हा तो नेहमी सर्व श्रेय महाराजजी आणि हनुमानजींना देतो. सुनील हे लहानपणापासूनच दृष्टिहीन आहेत. मला वाटतं की, जर ते प्रेम अनुभवू शकतात, तर त्यांना ते प्रेम पाहण्याची संधीही मिळायला हवी.”

https://www.prahaar.in/2026/09/30/asha-bhosle-asha-bhosle-held-her-breath-to-sing-but-the-song-was-banned-on-the-radio/

अनुपप्रिया यांच्या आधी, मध्य प्रदेशचे मुख्यमंत्री मोहन यादव यांनीही गायक सुनील लोधी यांची भेट घेऊ त्यांना उपचारासाठी मदतीचे आश्वासन दिले होते. लोधी यांनी 4 सप्टेंबर रोजी भोपाळमधील मुख्यमंत्र्यांच्या निवासस्थानी त्यांची भेट घेतली, जिथे त्यांनी त्यांचे एक प्रसिद्ध भजन गायले. मुख्यमंत्र्यांनी 1 लाख रुपयांच्या आर्थिक मदतीची घोषणा केली आणि त्यांच्या शिक्षणासाठी व डोळ्यांच्या उपचारासाठी मदत करण्याचे आश्वासन दिले.