नागोया, जपान : जपानमधील आयची-नागोया येथे सुरू असलेल्या आशियाई क्रीडा स्पर्धा 2026 (Asian Games 2026) मध्ये भारतीय ॲथलीट्सनी जबरदस्त कामगिरी करत देशाची मान उंचावली आहे. ॲथलेटिक्स प्रकारामध्ये भारताने एकाच दिवसात दोन रौप्य आणि दोन कांस्य अशी एकूण चार पदके जिंकत देशाच्या पदक तालिकेत मोठी भर घातली आहे. विशेषतः महाराष्ट्राच्या, विशेषतः नाशिकच्या सुपुत्राने या आंतरराष्ट्रीय पटलावर भारताचा झेंडा रोवला आहे.(Sarvesh Kushare Nashik)

नाशिकच्या सर्वेश कुशारेला उंच उडीत रौप्यपदक

महाराष्ट्राच्या सर्वेश कुशारे याने पुरुषांच्या उंच उडी (High Jump) प्रकारात दैदिप्यमान कामगिरी करत रौप्यपदक (Silver Medal) आपल्या नावावर केले. सर्वेशने 2.25 मीटरची उंची उत्तमरीत्या पार करत अंतिम फेरीत दुसरे स्थान पटकावले. चायनीज तैपेईच्या फू चाओ-हसुआन यानेही 2.25 मीटरची उंची पार केली, परंतु त्याने सुवर्णपदक पटकावले. तर दक्षिण कोरियाच्या वू सांग-ह्योकने 2.22 मीटर कामगिरीसह कांस्यपदक मिळवले. सर्वेशच्या या यशामुळे संपूर्ण महाराष्ट्रातून आणि देशातून अभिनंदनाचा वर्षाव होत आहे.

https://www.prahaar.in/2026/09/27/anahat-and-abhay-singh-narrowly-miss-out-on-gold-india-secures-two-historic-silver-medals-in-squash/

इतर क्रीडाप्रकारांमधील भारताची चमकदार कामगिरी

सर्वेश कुशारे व्यतिरिक्त इतर भारतीय खेळाडूंनीही आपल्या उत्कृष्ट खेळाचे प्रदर्शन घडवले:

पारुल चौधरी (3000 मीटर स्टीपलचेस): महिलांच्या 3000 मीटर स्टीपलचेस प्रकारात पारुलने 9:08.67 असा स्वतःचा सर्वोत्तम वेळ (Personal-Best) नोंदवत कांस्यपदक जिंकले. या अटीतटीच्या स्पर्धेत बहरीनच्या विनफ्रेड यावीने सुवर्ण, तर कझाकस्तानच्या नोराह जेरुतो तानुईने रौप्यपदक पटकावले.(Sarvesh Kushare Nashik)

अँसी सोजन (लांब उडी): महिलांच्या लांब उडीच्या (Long Jump) अंतिम फेरीत भारताच्या अँसी सोजनने 6.53 मीटरच्या सर्वोत्तम कामगिरीसह रौप्यपदक जिंकले. विशेष म्हणजे अवघ्या दोन सेंटीमीटरने तिचे सुवर्णपदक हुकले. चीनच्या हुआंग यिंगयिंगने 6.55 मीटर उडी मारत सुवर्णपदक मिळवले, तर भारताच्याच शैली सिंगने 6.42 मीटरसह चौथे स्थान पटकावले.

तेजस्विन शंकर (डेकॅथलॉन): भारताच्या तेजस्विन शंकरने अत्यंत कठीण मानल्या जाणाऱ्या डेकॅथलॉन प्रकारात 7,934 गुणांची प्रभावी कामगिरी करत कांस्यपदक आपल्या नावावर केले. जपानच्या युमा मारुयामाने 8,123 गुणांसह सुवर्ण आणि चीनच्या चेन झिंगहुआने 8,012 गुणांसह रौप्यपदक जिंकले.

https://www.prahaar.in/2026/09/27/ind-vs-wi-1st-one-day-virat-kohli-has-crossed-the-15000-run-mark-in-odi-cricket/

भारतीय ॲथलीट्सच्या या शिस्तबद्ध आणि जिद्दी कामगिरीमुळे आशियाई क्रीडा स्पर्धेत भारताचा दबदबा पुन्हा एकदा सिद्ध झाला असून, क्रीडाप्रेमींमध्ये आनंदाचे वातावरण आहे.