Nashik : शासकीय कामासाठी नागरिकांना सरकारी कार्यालयांचे उंबरे झिजवावे लागतात, अशी सर्वसाधारण प्रतिमा आहे. मात्र, नाशिकमध्ये प्रशासनाने याला छेद देणारे संवेदनशील पाऊल उचलले आहे. निवडणूक आयोगाच्या विशेष पुनरीक्षण (SIR) अभियानांतर्गत दाव्यांवरील सुनावणीसाठी एका गर्भवती महिलेला दिंडोरी नगरपंचायत कार्यालयात उपस्थित राहण्याची नोटीस देण्यात आली होती. मात्र, तिची वैद्यकीय अडचण ओळखून प्रशासकीय पथकाने स्वतः तिच्या नाशिक येथील घरी पोहोचून सुनावणीची सर्व कायदेशीर प्रक्रिया पूर्ण केली.

https://www.prahaar.in/2026/09/26/noida-bus-fire-i-wont-step-out-until-mother-comes-down-shashank-did-not-leave-his-mothers-side-until-the-very-end/

नेमकं प्रकरण काय ?

निवडणूक आयोगाच्या विशेष पुनरीक्षण (SIR) अभियानांतर्गत स्वामिनी सुधीर घोरपडे यांना दिंडोरी नगरपंचायत कार्यालयातील सुनावणी केंद्रावर उपस्थित राहण्याचे निर्देश देण्यात आले होते. मात्र, त्या गर्भवती असून नाशिक येथे त्यांच्यावर वैद्यकीय उपचार सुरू. त्यामुळे नाशिक ते दिंडोरी प्रवास करणे त्यांच्या आरोग्याच्या दृष्टीने धोकादायक होते. ही बाब लक्षात आल्यानंतर दिंडोरी नगरपंचायतीचे मुख्याधिकारी तथा अतिरिक्त सहाय्यक मतदार नोंदणी अधिकारी संदीप चौधरी यांनी पुढाकार घेतला. त्यांनी जिल्हाधिकारी तथा जिल्हा निवडणूक अधिकारी आयुष प्रसाद आणि उपविभागीय अधिकारी आप्पासाहेब शिंदे यांच्याशी संपर्क साधून परिस्थितीची माहिती दिली. त्यानंतर आवश्यक परवानगी घेण्यात आली.

https://www.prahaar.in/2026/09/26/nashik-crime-private-individual-caught-in-a-trap-while-accepting-a-bribe-of-5000-mahavitaran-wireman-absconding/

कुटुंबीय भावुक, निवडणूक अधिकाऱ्यांचे मानले आभार

परवानगी मिळाल्यानंतर दिंडोरीहून प्रशासकीय पथक थेट नाशिकला रवाना झाले. पथकाने स्वामिनी घोरपडे यांच्या घरी पोहोचून निवडणूक आयोगाच्या नियमांनुसार सुनावणीची संपूर्ण प्रक्रिया पूर्ण केली. या विशेष पथकामध्ये दिंडोरीचे मुख्याधिकारी संदीप चौधरी, पर्यवेक्षक व प्रशासकीय अधिकारी (BLO) विजय देवरे, जयराम राठोड आणि संगणक प्रचालक श्वेताली आहेर यांचा समावेश होता. प्रशासनाने दाखवलेल्या या संवेदनशीलतेबद्दल घोरपडे कुटुंबीयांनी निवडणूक अधिकाऱ्यांचे आभार मानले. नागरिकांची गैरसोय टाळत शासकीय प्रक्रिया पूर्ण करण्याच्या या निर्णयाचे कौतुक होत आहे.