मुंबई : अनंत चतुर्दशीच्या पार्श्वभूमीवर बृहन्मुंबई महानगरपालिकेने गणेशमूर्ती विसर्जनासाठी चोख तयारी केली आहे. भाविकांची श्रद्धा जपत पर्यावरण संतुलनासाठीही महापालिकेने उत्तम नियोजन केले असल्याचे कौतुक राज्याचे सांस्कृतिक कार्यमंत्री तथा मुंबई उपनगर जिल्ह्याचे पालकमंत्री आशिष शेलार यांनी केले. (Anant Chaturdashi 2026)

शेलार यांनी स्वराज्य भूमी येथील गणेशमूर्ती विसर्जनाच्या तयारीची पाहणी करून महापालिकेच्या विविध व्यवस्थांचा आढावा घेतला. यामध्ये आपत्ती व्यवस्थापन, निर्माल्य संकलन, आरोग्य तपासणी व प्रथमोपचार केंद्र तसेच दिशादर्शक फलकांची व्यवस्था करण्यात आली आहे. (Anant Chaturdashi 2026)

https://www.prahaar.in/2026/09/25/bmc-geared-up-for-ganesh-immersion-in-mumbai-25000-personnel-deployed-arrangements-made-for-383-artificial-ponds/

अनंत चतुर्दशीच्या पार्श्वभूमीवर भाविकांना कोणतीही अडचण होऊ नये, यासाठी महापालिकेच्या विविध विभागांकडून आवश्यक नियोजन करण्यात आले आहे. या तयारीबाबत शेलार यांनी समाधान व्यक्त करत महापालिका प्रशासनाचे कौतुक केले. (Anant Chaturdashi 2026)

यावेळी अतिरिक्त महानगरपालिका आयुक्त डॉ. अविनाश ढाकणे, उपायुक्त चंदा जाधव, उपायुक्त प्रशांत सपकाळे, सहायक आयुक्त संतोष साळुंके यांच्यासह संबंधित अधिकारी व कर्मचारी उपस्थित होते.