नाशिक: गणेशोत्सवाच्या सुट्टीसाठी आपल्या मूळ गावी आले असलेल्या बृहन्मुंबई महानगरपालिकेच्या (BMC) एका उच्चपदस्थ अधिकाऱ्याची निर्घृण हत्या करण्यात आल्याची भीषण घटना समोर आली आहे. या थरारक घटनेमुळे मुंबई आणि नाशिक परिसरात मोठी खळबळ उडाली आहे. अनैतिक संबंधांच्या संशयातून आणि वादातून ही हत्या झाल्याचा प्राथमिक अंदाज पोलिसांनी वर्तवला आहे.(BMC officer murder)

नेमकी घटना काय?

मिळालेल्या माहितीनुसार, संबंधित बीएमसी अधिकारी गणेशोत्सवानिमित्त सजेच्या सुट्ट्या काढून आपल्या इगतपुरी तालुक्यातील गरुडेश्वर या मूळ गावी आले होते. मंगळवारी मध्यरात्रीच्या सुमारास ते गावातीलच एका संशयित महिलेच्या घराजवळ गेले होते आणि तिच्याशी बोलत उभे होते. दरम्यान, त्या दोघांना रात्रीच्या वेळी एकत्र बोलताना पाहून महिलेच्या तरुण मुलांना तीव्र संताप अनावर झाला.(BMC officer murder)

त्यानंतर त्या महिलेने आणि तिच्या दोन्ही मुलांनी संगनमत करून संबंधित अधिकाऱ्यावर अचानक लाठ्याकाठ्यांनी बेदम हल्ला चढवला. हा हल्ला इतका भयानक होता की, मारहाणीदरम्यान अधिकाऱ्याच्या डोक्यात एका टणक वस्तूने जबर प्रहार करण्यात आला. गंभीर दुखापत झाल्यामुळे आणि अतिरक्तस्राव झाल्यामुळे ते अधिकारी रस्त्यावरच रक्ताच्या थारोळ्यात कोसळले, आणि त्यांचा जागीच दुर्दैवी अंत झाला.

https://www.prahaar.in/2026/09/24/whatsapp-wedding-card-scam-ahmedabad-cyber-fraud/

पोलिसांची तात्काळ कारवाई

या गंभीर घटनेची माहिती मिळताच मृत अधिकाऱ्याच्या पुतण्याने तातडीने पोलिसांत धाव घेत फिर्याद नोंदवली. माहिती समजताच वाडीवऱ्हे पोलिसांनी तात्काळ घटनास्थळी धाव घेत तपास सुरू केला. पोलिसांनी तातडीने पावले उचलत संशयित महिला आणि तिच्या दोन्ही तरुण मुलांना ताब्यात घेतले आणि बेड्या ठोकल्या.

पोलिसांनी सर्व आरोपींना न्यायालयात हजर केले असता, न्यायालयाने त्यांना 7 दिवसांची पोलीस कोठडी सुनावली आहे. या संपूर्ण प्रकरणाचा पुढील सखोल तपास वाडीवऱ्हे पोलिसांकडून केला जात असून, हत्येमागील इतर कारणांचा शोध घेतला जात आहे. एका सण-उत्सवाच्या काळात घडलेल्या या खून सत्रामुळे ग्रामीण भागात एकच दहशत पसरली आहे.(BMC officer murder)