मुंबई: शिक्षकी पेशाला काळिमा फासणारी एक अत्यंत संतापजनक घटना मुंबईतील माता रमाबाई मार्ग पोलीस ठाणे हद्दीतून समोर आली आहे. संगणक शिकवणाऱ्या एका २५ वर्षीय शिक्षकाने १४ वर्षीय अल्पवयीन विद्यार्थिनीचा विनयभंग केल्याप्रकरणी पोलिसांनी त्याला अटक केली आहे. मोहम्मद कैफ मोहम्मद अस्लम शेख असे या नराधम शिक्षकाचे नाव आहे.(Minor Student Case)

मिळालेल्या माहितीनुसार, आरोपी शिक्षकाने पीडित विद्यार्थिनीशी जवळीक साधण्यासाठी ‘स्नॅपचॅट’ या सोशल मीडिया ॲपचा वापर केला. चॅटिंगच्या नावाखाली त्याने मुलीशी संवाद वाढवला आणि नंतर सर्व मर्यादा ओलांडत तिला स्नॅपचॅटवर अश्लील व्हिडिओ पाठवून तिचा विनयभंग केला.

https://www.prahaar.in/2026/09/23/do-not-give-the-mpsc-agitation-a-political-turn-students-should-focus-on-their-studies-vikram-pachpute/

करिअर उद्ध्वस्त करण्याची धमकी

हा संतापजनक प्रकार कोणाला सांगितल्यास किंवा वाच्यता केल्यास, तुझे शैक्षणिक करिअर पूर्णपणे खराब करेन, अशी धमकी देऊन आरोपीने पीडितेला ब्लॅकमेल करण्याचा प्रयत्न केला. या सततच्या त्रासामुळे आणि धमक्यांमुळे मुलगी तीव्र मानसिक दबावाखाली होती.

अखेर पीडित मुलीने प्रचंड दाखवत हा सर्व प्रकार आपल्या पालकांना सांगितला. पालकांनी तत्काळ माता रमाबाई मार्ग पोलीस ठाणे गाठून फिर्याद दिली. पालकांच्या तक्रारीवरून पोलिसांनी विविध गंभीर कलमांसह ‘पॉक्सो’ कायद्यांतर्गत गुन्हा दाखल करून आरोपी शिक्षक मोहम्मद कैफ याला बेड्या ठोकल्या आहेत. पोलीस या प्रकरणाचा अधिक सखोल तपास करत आहेत.(Minor Student Case)