Diler Kharkiya : हरियाणवी गायक आणि अभिनेता दिलेर खरकियाच्या रेंज रोव्हरवर गोळीबार झाल्याची घटना समोर आली आहे. भिवानीतील त्याच्या घराजवळ उभ्या असलेल्या कारला मोटारसायकलवरून आलेल्या हल्लेखोराने गोळी झाडल्याची प्राथमिक माहिती आहे. घटनेच्या वेळी दिलेर खरकिया कारमध्ये नसल्याने तो सुरक्षित आहे. दरम्यान, अनिल पंडितच्या नावाने सोशल मीडियावर आलेल्या एका पोस्टमध्ये या हल्ल्याची जबाबदारी घेतल्याचा दावा करण्यात आला असून, पोलिसांकडून या पोस्टची सत्यता आणि हल्ल्यामागील कारणांचा तपास सुरू आहे. (Diler Kharkiya)

https://www.prahaar.in/2026/09/18/dont-act-in-court-the-supreme-court-reprimanded-rajpal-yadav-telling-him-this-is-your-last-chance/

नेमकं काय घडलं?

पोलिसांच्या प्राथमिक माहितीनुसार, रात्री एका मोटारसायकलस्वाराने दिलेर खरकियाच्या घराजवळ पार्क केलेल्या रेंज रोव्हरवर गोळी झाडली. एक गोळी कारला लागली, मात्र त्यावेळी गायक गाडीत उपस्थित नव्हता. माहिती मिळताच पोलिसांनी घटनास्थळी पोहोचून तपास सुरू केला. (Diler Kharkiya)

सोशल मीडियावरून धमकीचा दावा

गोळीबारानंतर सोशल मीडियावर अनिल पंडित या नावाने एक पोस्ट समोर आली. या पोस्टमध्ये हिमांशू सोनीपत, हॅरी बॉक्सर, हरमन संधू आणि अनिल पंडित या नावांचा उल्लेख करत हल्ल्याची जबाबदारी घेतल्याचा दावा करण्यात आला आहे. तसेच दिलेर खरकियाने फोन कॉलला उत्तर न दिल्यास पुढच्या वेळी थेट गोळी मारण्याची धमकी दिल्याचा उल्लेख आहे. मात्र, या पोस्टमधील दाव्यांची स्वतंत्र पुष्टी झालेली नाही आणि पोलिस त्याचीही पडताळणी करत आहेत. (Diler Kharkiya)

https://www.prahaar.in/2026/09/18/ssc-hsc-board-exam-2027ssc-check-the-dates/

पोलिसांचा तपास सुरू

घटनेनंतर पोलिसांनी प्रकरणाची चौकशी सुरू केली असून हल्लेखोराचा शोध घेतला जात आहे. हल्ल्याचा नेमका उद्देश काय होता आणि सोशल मीडिया पोस्टमागे कोण आहे, याचा तपास केला जात आहे. काही अहवालांनुसार पोलिस खंडणीच्या प्रयत्नाची शक्यताही तपासत आहेत, मात्र तपास पूर्ण होईपर्यंत कारणाबाबत निश्चित निष्कर्ष काढता येणार नाही. (Diler Kharkiya)

https://www.prahaar.in/2026/09/18/rising-electronics-prices-slow-down-consumer-buying-amazon-india-sales-hit-ahead-of-the-festive-season/

कोण आहे दिलेर खरकिया?

दिलेर खरकिया हा हरियाणातील प्रसिद्ध गायक, अभिनेता आणि मॉडेल आहेत. प्रसिद्ध रागणी कलाकार राजेंद्र खरकिया यांचा तो मुलगा आहेत. त्याने वयाच्या नवव्या वर्षापासून रागणी कार्यक्रमांमध्ये सहभाग घेतला आणि २०१८ मध्ये हरियाणवी संगीत क्षेत्रात प्रवेश केला. ‘लीलो चमन’, ‘मोटो’, ‘जूती काली’, ‘हायकोर्ट’ आणि ‘कबूतरी’ यांसारख्या गाण्यांमुळे त्यांना लोकप्रियता मिळाली आहे. (Diler Kharkiya)