रियाद: मध्य-पूर्वेतील परिस्थिती दिवसेंदिवस अधिक स्फोटक आणि गंभीर होत चालली आहे. इराण आणि अमेरिकेमधील वाढत्या संघर्षाच्या पार्श्वभूमीवर, आता येमेनमधील हुती (Houthi) बंडखोरांनी सौदी अरेबियावर प्रत्यक्ष हल्ले तीव्र केले आहेत. हुतींनी सौदी अरेबियातील शरूराह येथील एका लष्करी तळाला लक्ष्य करून मोठा ड्रोन हल्ला केल्याचा दावा केला आहे.(Houthi drone strike)

शस्त्रसाठा केंद्र आणि कमांड रूमवर हल्ला

हुतींचे लष्करी प्रवक्ते याह्या सारी यांनी टेलिग्रामवर जारी केलेल्या निवेदनातून या हल्ल्याची माहिती दिली. त्यांच्या दाव्यानुसार, या हल्ल्यात मोठ्या प्रमाणावर बॅलिस्टिक क्षेपणास्त्रे आणि ड्रोनचा वापर करण्यात आला. हुतींनी सौदीच्या लष्करी तळावरील मुख्य शस्त्रसाठा केंद्र आणि कमांड-अँड-कंट्रोल रूमला लक्ष्य करत अचूक वेध घेतल्याचे यात म्हटले आहे. येमेनविरोधात सौदी अरेबियाकडून सुरू असलेल्या कारवाईला हे प्रत्युत्तर असल्याचे सांगत, सौदीने हल्ले न थांबवल्यास आगामी काळात देशाच्या अंतर्गत भागात आणखी घातक हल्ले करण्याचा इशारा बंडखोरांनी दिला आहे.(Houthi drone strike)

https://www.prahaar.in/2026/09/13/5000-new-st-buses-are-set-to-join-the-msrtc-fleet-and-the-tender-process-for-their-procurement-has-been-completed/

सौदीच्या नागरी संरक्षण विभागाकडून नुकसानीची पुष्टी

सौदीच्या नागरी संरक्षण विभागाने या हल्ल्यामुळे झालेल्या नुकसानीची पुष्टी केली आहे. अधिकाऱ्यांनी दिलेल्या माहितीनुसार, येमेनच्या दिशेने डागण्यात आलेले एक प्रक्षेपास्त्र जिझान येथे कोसळले, ज्यामध्ये दोन जण जखमी झाले आहेत. या हल्ल्यामुळे एका स्थानिक मशिदीसह अनेक निवासी इमारती आणि वाहनांचे मोठे नुकसान झाले आहे.(Houthi drone strike)

भौगोलिक व सामरिक संघर्ष

यापूर्वी लाल समुद्राच्या प्रवेशद्वाराजवळील बाब-अल-मंदेब सामुद्रधुनीतील सामरिकदृष्ट्या महत्त्वाच्या मयून बेटावर हुतींनी ताबा मिळवला होता. मोखा बंदर शहरावरील ताबा मिळवण्याच्या प्रत्युत्तरात सौदी अरेबियाने मोखा विमानतळावर जोरदार हवाई हल्ले केले होते. लाल समुद्रातून होणारी तेल आणि गॅसची वाहतूक रोखून किंवा त्यावर ताबा मिळवून अमेरिका आणि जागतिक पातळीवर ऊर्जा किमती वाढवण्याचा हुती व इराणचा हेतू असल्याचा संशय व्यक्त केला जात आहे. या ताज्या हल्ल्यामुळे आखाती देशांमधील सुरक्षा प्रश्न ऐरणीवर आला आहे.(Houthi drone strike)