नवी दिल्ली: १८ व्या ब्रिक्स परिषदेच्या निमित्ताने १२ सप्टेंबर २०२६ रोजी पंतप्रधान नरेंद्र मोदी यांनी अबू धाबीचे युवराज शेख खालिद बिन मोहम्मद यांची भेट घेतली. या बैठकीत दोन्ही नेत्यांनी भारत आणि संयुक्त अरब अमिराती (यूएई) मधील ‘सर्वसमावेशक धोरणात्मक भागीदारी’च्या महत्त्वावर पुन्हा एकदा भर दिला. राजनीतिक, सांस्कृतिक, व्यापारी, ऊर्जा आणि नागरिकांमधील परस्पर संबंधांवर ही भागीदारी आधारलेली आहे. यावर्षी जानेवारीमध्ये यूएईचे अध्यक्ष शेख मोहम्मद बिन झायेद अल नहयान यांचा भारत दौरा आणि मे महिन्यात पंतप्रधान मोदींचा यूएई दौरा या दोन यशस्वी भेटींचे त्यांनी यावेळी स्मरण केले.(India UAE Ties)

https://www.prahaar.in/2026/09/12/union-minister-ramdas-athawale-submits-a-memorandum-to-union-home-minister-amit-shah-regarding-the-liberation-of-the-mahabodhi-mahavihara/

ब्रिक्स सहकार्य आणि गुंतवणूक:

भारताच्या ब्रिक्स अध्यक्षतेखाली यूएईने घेतलेल्या सक्रिय व सकारात्मक सहभागाबद्दल पंतप्रधानांनी प्रशंसा केली. ब्रिक्स व्यासपीठावर झालेल्या प्रगतीचे स्वागत करत, सामायिक हितसंबंधांसाठी भविष्यातही एकत्रित काम करण्याची सहमती दोन्ही नेत्यांनी दर्शवली. याशिवाय, यूएईच्या ‘इंटरनॅशनल होल्डिंग कंपनी’तर्फे ओडिशामध्ये ११.५ अब्ज अमेरिकन डॉलरच्या एकात्मिक ग्रीनफिल्ड ॲल्युमिनियम प्रकल्पाच्या घोषणेचे नेत्यांनी स्वागत केले. हा भारतातील ॲल्युमिनियम क्षेत्रातील आतापर्यंतचा सर्वात मोठा गुंतवणूक प्रकल्प असून, यामुळे ओडिशा जागतिक स्तरावर ॲल्युमिनियम निर्मितीचे मुख्य केंद्र म्हणून उदयास येईल.(India UAE Ties)

https://www.prahaar.in/2026/09/12/mumbai-local-mega-block-update-13-sept-2026-central-railway-thane-kalyan-harbour-railway-thane-vaashi-nerul-services-to-be-affected/

धोरणात्मक क्षेत्रांमध्ये सहकार्य:

भारत-यूएई भागीदारी परस्पर फायद्यासाठी दृढ करण्यात यूएईची नवी ‘सोव्हरेन इन्व्हेस्टमेंट फंड’ संस्था ‘एल इमाद’ (L’Imad) अत्यंत महत्त्वाची भूमिका बजावेल, यावर नेत्यांचे एकमत झाले. या बैठकीत संरक्षण, अवकाश तंत्रज्ञान, अणुऊर्जा, तंत्रज्ञान आणि नवोपक्रम यांसारख्या उदयोन्मुख क्षेत्रांत सहकार्य वाढवण्याच्या संधींवरही सविस्तर चर्चा करण्यात आली. या उच्चस्तरीय संवादामुळे भारत आणि यूएईमधील पिढ्यानपिढ्यांचे चिरंतन संबंध अधिक बळकट झाले आहेत.(India UAE Ties)