पालघर : पालघरमध्ये दहीहंडी (DahiHandi) उत्सवा दरम्यान जखमी झालेल्या गोविंदांच्या उपचारावरून रुग्णालयात मोठा गोंधळ झाल्याची घटना समोर आली आहे. उपचाराच्या बिलावरून आणि सीटी स्कॅनच्या तपासणीवरून शिवसैनिकांनी डॉक्टरांशी वाद घालत रुग्णालयात गोंधळ घातल्याचा आरोप आहे. या प्रकरणी शिवसेनेचे पालघर जिल्हाप्रमुख कुंदन संखे, शहरप्रमुख राहुल घरत आणि आमदार राजेंद्र गावित यांचे पुत्र रोहित गावित यांच्यासह 17 जणांविरुद्ध पालघर पोलीस ठाण्यात तक्रार दाखल करण्यात आली आहे. ( Palghar News)
https://www.prahaar.in/2026/09/06/sensation-in-pakistan-cricket-pcb-confiscates-players-mobile-phones-during-the-england-tour-suspicion-of-match-fixing/
मिळालेल्या माहितीनुसार, पालघरमध्ये आयोजित दहीहंडी उत्सवात जखमी झालेल्या गोविंदांना उपचारासाठी एका खाजगी रुग्णालयात दाखल करण्यात आले होते. उपचारादरम्यान झालेली 19 हजार 866 रुपयांची बिलं भरण्यावरून वाद सुरू झाला. आयोजकांकडून 10 हजार रुपये भरण्यात आले होते. मात्र मध्यरात्री शिवसैनिकांनी (Shivsena) रुग्णालयात जाऊन डॉक्टरांना जाब विचारला आणि सीटी स्कॅन करण्यावर आक्षेप घेतला. डॉक्टरांनी वैद्यकीय कारणास्तव ही तपासणी आवश्यक असल्याचे सांगितले, परंतु वाद वाढल्याने रुग्णालयाला धमकी देण्यात आली. ( Palghar Hospital Dispute)
याच वादादरम्यान शहरप्रमुख राहुल घरत यांनी रुग्णालयातील एका कर्मचाऱ्याच्या कानशिलात मारल्याचा आरोप आहे. हा सर्व प्रकार सीसीटीव्हीमध्ये कैद झाला आहे. पोलिसांनी या प्रकरणी भारतीय न्याय संहिता (BNS) आणि महाराष्ट्र वैद्यकीय सेवा अधिनियमातील विविध कलमांखाली तक्रार नोंदवून घेतली आहे. दरम्यान, किरकोळ जखमी रुग्णांना डिस्चार्ज देण्यास उशीर होत असल्याने आणि विचारणा करताना केवळ किरकोळ वाद झाल्याचा दावा जिल्हाप्रमुख कुंदन संखे यांनी केला आहे. ( Shiv Sena Palghar)