मुंबई : केंद्रीय गृहमंत्री अमित शाह हे शनिवारी कौटुंबिक कार्यक्रमानिमित्त मुंबई दौऱ्यावर होते. छत्रपती शिवाजी महाराज आंतरराष्ट्रीय विमानतळावर त्यांचे आगमन झाले असता, मुख्यमंत्री देवेंद्र फडणवीस, उपमुख्यमंत्री एकनाथ शिंदे, सुनेत्रा पवार यांनी त्यांचे स्वागत केले. यावेळी विमानतळावर अमित शाह आणि एकनाथ शिंदे यांच्यात १० मिनिटे स्वतंत्र चर्चा झाल्याची माहिती समोर आली आहे.

https://prahaar.in/2026/08/29/nashik-crime-news-allowing-his-son-to-drive-a-four-wheeler-proved-costly-for-a-father-a-case-has-been-registered/

गुजरात दौऱ्यानंतर दुपारी एक वाजण्याच्या सुमारास अमित शाह मुंबई विमानतळावर दाखल झाले. ताडदेव येथे बहिणीच्या घरी जाऊन त्यांनी रक्षाबंधनाचा सण साजरा केला. विमानतळावर स्वागतादरम्यान उपमुख्यमंत्री सुनेत्रा पवार आणि मुंबईच्या महापौर रितू तावडे यांनी केंद्रीय गृहमंत्र्यांना राखी बांधून रक्षाबंधनाचे पर्व साजरे केले. विमानतळावरील स्वागतानंतर अमित शाह आणि एकनाथ शिंदे यांच्यात झालेल्या चर्चेने सर्वांचे लक्ष वेधले. महायुती सरकारमधील काही मंत्र्यांच्या नाराजीबाबत आणि अन्य राजकीय घडामोडींवर यावेळी चर्चा झाल्याची माहिती सूत्रांनी दिली आहे. यावर चिंता करण्याचे कारण नाही, असे आश्वासन गृहमंत्री शाह यांनी दिल्याचे कळते. कौटुंबिक कार्यक्रम आटोपून दुपारी तीन वाजण्याच्या सुमारास शाह यांनी मुंबईतून पुढील प्रवासासाठी प्रस्थान केले.