ICC Ranking : इंग्लंडचा स्टार फलंदाज हॅरी ब्रूक पुन्हा एकदा आयसीसी पुरुष कसोटी क्रिकेटपटूंच्या क्रमवारीत जगातील अव्वल क्रमांकाचा फलंदाज बनला आहे. ब्रूकने ऑस्ट्रेलियाच्या ट्रॅव्हिस हेडला मागे टाकून अव्वल स्थान पटकावले आहे. कसोटी फलंदाजी क्रमवारीत अव्वल स्थान पटकावण्याची ब्रूकची ही चौथी वेळ आहे. त्याने डिसेंबर २०२४ मध्ये पहिल्यांदा ही कामगिरी केली होती.

https://prahaar.in/2026/08/19/fda-license-of-hotel-radha-in-malad-suspended-kitchen-infested-with-rats-and-cockroaches/

बांग्लादेशविरुद्धच्या पहिल्या कसोटीतील खराब कामगिरमुळे हेडच्या क्रमवारीत घसरण झाली आहे. त्याने सामन्याच्या दोन्ही डावांमध्ये अनुक्रमे २२ आणि १७ धावा केल्या. बांगलादेशकडून ऑस्ट्रेलियाला ९ गडी राखून दारुण पराभव पत्करावा लागला. या कामगिरीनंतर, हेड तीन स्थानांनी घसरून चौथ्या स्थानावर आला आहे. दरम्यान, इंग्लंडचा जो रूट दुसऱ्या स्थानावर, तर ऑस्ट्रेलियाचा स्टीव्ह स्मिथ तिसऱ्या स्थानावर पोहोचला आहे. स्मिथने बांगलादेशविरुद्ध ७१ आणि ४४ धावा केल्या. आयसीसी कसोटी फलंदाजी क्रमवारीत अव्वल चार फलंदाजांमध्ये केवळ ३३ रेटिंग गुणांचा फरक आहे. अशा परिस्थितीत, इंग्लंड आणि पाकिस्तान यांच्यातील मायदेशातील कसोटी मालिका आणि बांगलादेश व ऑस्ट्रेलिया यांच्यातील दुसऱ्या कसोटीनंतर क्रमवारीत आणखी एक मोठा बदल होऊ शकतो.

https://prahaar.in/2026/08/19/daund-heart-wrenching-tragedy-two-brothers-die-of-electrocution-mother-fortunately-survives-daund-bhoite-family-plunged-into-deep-grief/

बांगलादेशचा कर्णधार नाझमुल होसेन शांतोने क्रमवारीत मोठी झेप घेतली आहे. त्याने नऊ स्थानांची झेप घेत कारकिर्दीतील सर्वोत्तम २० वे स्थान पटकावले आहे. ऑस्ट्रेलियाविरुद्धच्या पहिल्या कसोटीच्या पहिल्या डावात शांतोने ८४ धावा करून बांगलादेशच्या ऐतिहासिक विजयाचा पाया रचला. या कामगिरीमुळे त्याने भारताचा स्टार अष्टपैलू क्रिकेटपटू रवींद्र जडेजा आणि बांगलादेशचा लिटन दास यांना मागे टाकले आहे. अफगाणिस्तानचा डावखुरा फलंदाज सेदिकुल्ला अटलने या आठवड्यात आयसीसी पुरुष एकदिवसीय क्रिकेटपटूंच्या क्रमवारीत सर्वाधिक प्रगती केली आहे. त्याने आयर्लंडविरुद्धच्या पाच सामन्यांच्या मालिकेतील शेवटच्या दोन सामन्यांमध्ये अनुक्रमे १४३ आणि ९८ धावा केल्या. या कामगिरीमुळे अटलला ३७ स्थानांनी पुढे जात ३३ वे स्थान मिळवण्यात मदत झाली आहे. आयर्लंडच्या कर्टिस कॅम्फरनेही ८४ आणि ९६ गुणांसह २३ स्थानांची झेप घेतली आहे. तो आता ३६ व्या क्रमांकावर आहे.