मुंबई : राजर्षी छत्रपती शाहू महाराज यांचे मुंबईत भव्य स्मारक उभारण्यासाठी विधान भवनात उपसभापती सचिन अहिर यांच्या अध्यक्षतेखाली समन्वय समितीची पहिलीच बैठक पार पडली. मुंबईस्थित कोल्हापूरकरांची गेल्या ५० वर्षांपासूनची मागणी विचारात घेऊन या बैठकीचे आयोजन करण्यात आले होते. या स्मारकासाठी उपसभापती सचिन अहिर यांनी पुढाकार घ्यावा, असा महत्त्वपूर्ण निर्णय समितीच्या वतीने या वेळी घेण्यात आला.

https://prahaar.in/2026/08/18/2-07-crore-voters-in-the-state-excluded-from-the-electoral-roll-a-total-of-7-71-crore-applications-received-17-63-lakh-duplicate-voters-identified/

​या बैठकीस उच्च व तंत्रशिक्षण मंत्री चंद्रकांत पाटील, वैद्यकीय शिक्षण मंत्री हसन मुश्रीफ, आमदार विनय कोरे, आमदार अजय चौधरी, आमदार सुनील शिंदे, आमदार राजेंद्र यड्रावकर, आमदार चंद्रदीप नरके तसेच कोल्हापूर जिल्हा फेडरेशन मुंबईचे अध्यक्ष सूर्यकांत कडाकणे आणि इतर पदाधिकारी उपस्थित होते. ​स्मारकासाठी योग्य जागा निश्चित करून तत्काळ पालिका आयुक्तांना पत्र देण्याच्या सूचना मंत्री चंद्रकांत पाटील यांनी बैठकीत दिल्या. “राजर्षी शाहू महाराजांच्या स्मारकासाठी पुढाकार घेण्याची संधी मिळणे हे माझे भाग्य आहे,” अशी प्रतिक्रिया या वेळी उपसभापती सचिन अहिर यांनी व्यक्त केली.