Nashik Simhastha Kumbhmela : आगामी सिंहस्थ कुंभमळ्याच्या पार्श्वभूमीवर कुंभमेळ्याच्या तयारीसाठी आणि प्रत्यक्ष कुंभमेळ्यादरम्यान पुरेसे मनुष्यबळ असणे आवश्यक आहे. त्यासाठी नाशिक महापालिकेत (Nashik Municipal Corporation) पुरेसे मनुष्यबळ नाही. त्यामुळे नाशिक महापालिकेतील रिक्त पदांचा प्रश्न ऐरणीवर आला आहे. त्यामुळे नियमित भरती प्रक्रिया पूर्ण होईपर्यंत मानधन तत्वावर कर्मचाऱ्यांची नियुक्ती करण्याची तयारी महापालिकेने सुरू केली आहे. यासंदर्भात सविस्तर प्रस्ताव तयार करून स्थायी समितीसमोर सादर करण्याचे आदेश सभापती मच्छिंद्र सानप यांनी प्रशासनाला दिले. (Nashik Simhastha Kumbhmela)

https://prahaar.in/2026/08/07/major-action-in-the-tcs-case/

कामाचा अतिरिक्त ताण वाढला

सभापती मच्छिंद्र सानप यांच्या अध्यक्षतेखाली स्थायी समितीची सभा झाली. सभेदरम्यान, मनपातील वाढत्या मनुष्यबळाच्या कमतरतेवर चर्चा झाली. शहराचा वाढता विस्तार, वाढलेली लोकसंख्या आणि आगामी सिंहस्थ कुंभमेळ्याची तयारी लक्षात घेता सध्याचे उपलब्ध कर्मचारी अपुरे पडत असल्याचे सदस्यांनी निदर्शनास आणले. महापालिकेच्या (Nashik Municipal Corporation) मंजूर सुमारे सात हजार पदांपैकी सध्या फक्त तीन ते साडेतीन हजार कर्मचारी कार्यरत आहे. त्यामुळे विविध विभागांवर अतिरिक्त कामाचा ताण वाढला आहे. (Nashik Simhastha Kumbhmela)

https://prahaar.in/2026/08/07/irctc-visiting-seven-jyotirlingas-including-trimbakeshwar-in-a-single-journey/

विकासकामांवर परिणाम

परिणामी नागरिकांना सेवा देताना विलंब होत असून अनेक विकासकामांवरही त्याचा परिणाम होत असल्याची बाब बैठकीत मांडण्यात आली. यावर नियमित सरळसेवा भरती पूर्ण होईपर्यंत आवश्यक त्या पदांवर पात्र अधिकारी आणि कर्मचाऱ्यांची मानधनावर नियुक्ती करण्याचा प्रस्ताव पुढे आणण्यात आला. त्याबाबत आवश्यक माहिती, रिक्त पदांची संख्या, आर्थिक परिणाम आणि भरतीची प्रक्रिया याबाबतचा सविस्तर अहवाल तयार करण्याच्या सूचना सभापती सानप यांनी प्रशासन विभागाला दिल्या.