Nandurbar : नंदुरबारमध्ये एक हादरवणारा प्रकार उघडकीस आला आहे. नंदुरबारमध्ये अल्पवयीन बालकांसह काही तरुणांचे लैंगिक शोषण करून त्यांचे अश्लील चित्रफिती आणि छायाचित्रे तयार केल्याचा धक्कादायक आणि संतापजनक प्रकार उघडकीस आला आहे. या प्रकरणी नंदुरबार जिल्ह्यातील एका युवकाविरुद्ध भारतीय न्याय संहिता, पोक्सो (POCSO) कायदा तसेच बालकांची काळजी व संरक्षण अधिनियमांतर्गत गंभीर कलमांनुसार गुन्हा दाखल करण्यात आला आहे. समोर आलेल्या या घटनेनं शहरात खळबळ उडाली आहे. (Nandurbar Crime News)

https://prahaar.in/2026/08/07/jalgaon-crime-the-husband-poured-alcohol-on-his-wife/

अल्पवयीन मुलांसह तरुणांचे लैंगिक शोषण

मिळालेल्या प्राथमिक माहितीनुसार, नंदुरबार जिल्ह्यातील रायसिंगपुरा येथील २२ वर्षीय चेतन प्रकाश कोळी (Chetan Prakash Koli) याने २०२२ पासून ते ६ ऑगस्ट २०२६ पर्यंत अल्पवयीन बालकांसह काही तरुणांवर लैंगिक अत्याचार (Sexual abuse of young people) केल्याचा गंभीर आरोप आहे. तसेच या संतापजनक कृत्याच्या चित्रफिती काढून आणि छायाचित्रण करून ते स्वतःच्या मोबाईलमध्ये साठवून ठेवले होते. संबंधित चित्रफिती आणि छायाचित्रे प्रसारित करण्याची धमकी देत वारंवार लैंगिक शोषण केल्याचे फिर्यादीत नमूद करण्यात आले आहे. (Nandurbar Crime News)

https://prahaar.in/2026/08/07/major-action-in-the-tcs-case/

२०० हून अधिक आक्षेपार्ह चित्रफिती

या प्रकरणातील तपासादरम्यान पोलिसांना संशयिताच्या मोबाईलमध्ये २०० हून अधिक आक्षेपार्ह चित्रफिती आढळून आल्याची धक्कादायक माहिती प्राथमिक तपासातून समोर आली आहे. पोलिसांकडून या सर्व चित्रफितींची फॉरेन्सिक तपासणी (Forensic examination) सुरू आहे. या चित्रफितींमधील संभाव्य पीडितांची ओळख पटविण्याचे कामही सुरू असल्याची माहिती सूत्रांनी दिली. (Nandurbar Crime News)

दरम्यान, या प्रकरणी भारतीय न्याय संहिता २०२३, पोक्सो कायदा आणि बालकांची काळजी व संरक्षण अधिनियमातील विविध कलमांनुसार गुन्हा दाखल करण्यात आला आहे. घटनास्थळी फॉरेन्सिक पथकाने भेट दिली असून ई-साक्ष आणि व्हिडिओ रेकॉर्डिंगची प्रक्रिया पूर्ण करण्यात आली आहे. पुढील तपास पोलीस उपनिरीक्षक अमोल देशमुख करीत असून संशयिताला ताब्यात घेण्यात आले आहे. मात्र या संतापजनक घटनेनं संपूर्ण नंदुरबार जिल्ह्यात खळबळ उडाली आहे.