परदेशातून ‘व्हॉइस नोट’द्वारे धमकीचा संदेश; पोलीस व सुरक्षा यंत्रणा हायअलर्टवर

मुंबई : माजी राज्यमंत्री बाबा सिद्दीकी यांच्या निर्घृण हत्येनंतर त्यांचे पुत्र आणि राष्ट्रवादी काँग्रेसचे आमदार झिशान सिद्दीकी यांना परदेशातून ‘व्हॉइस नोट’द्वारे जीवे मारण्याची धमकी देण्यात आली आहे. या धमकीच्या संदेशानंतर मुंबई पोलिसांसह गुप्तचर यंत्रणा अलर्ट मोडवर आल्या असून, झिशान सिद्दीकी यांच्या वांद्रे येथील निवासस्थानी व वैयक्तिक सुरक्षेत मोठी वाढ करण्यात आली आहे.

बाबा सिद्दीकी हत्याप्रकरणातील फरार मुख्य सूत्रधार झिशान अख्तर याने परदेशातून ही ऑडिओ व्हॉइस नोट पाठवल्याचा संशय आहे. “तुझ्या बापाचा काटा मीच काढला होता, आता तुझा नंबर आहे. तू माझ्या प्रत्येक कारभारात मध्येच पडत आहेस. तुला क्राईम ब्रांचकडे जेवढ्या फेऱ्या मारायच्या आहेत तेवढ्या मार, तुझ्याविरोधात फतवाच जारी केला आहे. वडिलांच्या हत्येच्या वेळी तू नशिबाने वाचलास, पण या वेळी तुझा गेम निश्चित आहे!” अशी धमकी देण्यात आली आहे. पोलिसांनी या व्हॉइस नोटची सत्यता पडताळण्यासाठी ती डिजिटल फॉरेन्सिक प्रयोगशाळेत पाठवली आहे.

https://prahaar.in/2026/08/06/over-100000-non-marathi-drivers-learned-marathi/

दरम्यान, १२ ऑक्टोबर २०२४ रोजी वांद्रे (पूर्व) येथे आमदार झिशान सिद्दीकी यांच्या कार्यालयाबाहेरच बाबा सिद्दीकी यांची गोळ्या झाडून हत्या करण्यात आली होती. बॉलिवूड अभिनेता सलमान खानशी असलेले त्यांचे जवळचे संबंधातून लॉरेन्स बिश्नोई टोळीने ही हत्या घडवून आणल्याचे पोलीस तपासात निष्पन्न झाले होते. या प्रकरणाचा सखोल तपास करत मुंबई पोलीस आणि गुन्हे शाखेने आतापर्यंत २७ हून अधिक आरोपींविरुद्ध कठोर ‘मकोका’ कायद्यांतर्गत हजारो पानांचे दोषारोपपत्र दाखल केले आहे.

https://prahaar.in/2026/08/06/prashant-kishor-met-sunetra-and-parth-pawar-held-a-closed-door-meeting-at-devgiri/

मुख्य शूटर शिवकुमार गौतमचा धक्कादायक दावा

दरम्यान, या प्रकरणी अटक करण्यात आलेल्या मुख्य शूटर शिवकुमार गौतम याने पोलिसांसमोर दिलेल्या जबाबात धक्कादायक खुलासे केले आहेत. दाऊद इब्राहिमशी असलेले कथित संबंध आणि १९९३ च्या मुंबई बॉम्बस्फोटातील सहभागाचा दावा करत अनमोल बिश्नोई याने बाबा सिद्दीकी आणि झिशान सिद्दीकी यांना ठार मारण्याचे आदेश दिले होते, असा दावा शिवकुमारने केला आहे. पुण्यात भंगाराचा व्यवसाय करताना प्रवीण लोणकर आणि शुभम लोणकर यांच्यामार्फत आपण बिश्नोई टोळीशी जोडलो गेलो आणि स्नॅपचॅटच्या माध्यमातून अनमोल बिश्नोईच्या संपर्कात राहून १५ लाख रुपयांच्या मोबदल्यात हा खून घडवून आणल्याचे त्याने कबूल केले आहे.