Donald Trump  : अमेरिकेचे अध्यक्ष डोनाल्ड ट्रम्प (Donald Trump) प्रवास करत असलेल्या ‘मरीन वन’ हेलिकॉप्टरशी संबंधित गंभीर घटना समोर आली आहे. उड्डाणादरम्यान ट्रम्प यांच्या हेलिकॉप्टरच्या अगदी जवळून एका प्रवासी विमानाने उड्डाण केल्याने संभाव्य मोठी दुर्घटना थोडक्यात टळली. या घटनेनंतर अमेरिकेच्या हवाई वाहतूक व्यवस्थेवर प्रश्नचिन्ह उपस्थित झाले असून, संबंधित प्रकरणाची चौकशी सुरू करण्यात आली आहे.

अमेरिकेच्या फेडरल एव्हिएशन अॅडमिनिस्ट्रेशन (FAA)च्या माहितीनुसार, मंगळवारी दुपारी ट्रम्प यांचे ‘मरीन वन’ हेलिकॉप्टर व्हाईट हाऊसमधून उड्डाण करत होते. त्याचवेळी रोनाल्ड रीगन वॉशिंग्टन नॅशनल विमानतळावरून एका प्रवासी विमानानेही उड्डाण केले. सुदैवाने दोन्ही विमाने सुरक्षित अंतरावर गेल्याने मोठा अपघात टळला.(Marine One)

https://prahaar.in/2026/08/06/india-to-have-its-own-space-station-by-2035-preparations-for-the-gaganyaan-mission-in-the-final-stage/

या घटनेमुळे सुरक्षा प्रक्रियेबाबत गंभीर प्रश्न उपस्थित झाले आहेत. कारण जानेवारी 2025 मध्ये याच विमानतळाजवळ लष्करी हेलिकॉप्टर आणि प्रवासी विमानाची हवेत धडक होऊन 67 जणांचा मृत्यू झाला होता. त्या दुर्घटनेनंतर FAA ने या परिसरात हेलिकॉप्टर आणि प्रवासी विमानांच्या उड्डाणांबाबत कठोर नियम लागू केले होते. (Washington)

नियमांनुसार, विमानतळ परिसरात दोन विमानांमध्ये किमान 2.4 किलोमीटरचे आडवे अंतर आणि 500 फूट उंचीचा फरक असणे आवश्यक आहे. तसेच राष्ट्राध्यक्षांच्या हेलिकॉप्टरच्या उड्डाणापूर्वी विमानतळावरील इतर उड्डाणे काही काळ थांबवण्याची प्रक्रिया पाळली जाते. मात्र, या वेळी ती प्रक्रिया योग्य प्रकारे राबवली गेली नसल्याचे प्राथमिक माहितीतून समोर आले आहे.

https://prahaar.in/2026/08/04/indian-scientist-dr-annapurni-subramaniam-receives-the-cospar-vikram-sarabhai-medal-she-is-the-first-indian-woman-to-receive-this-honor/

वृत्तानुसार, ट्रम्प यांचे हेलिकॉप्टर उड्डाण घेतल्यानंतर काही क्षणांतच फ्लोरिडाकडे जाणारे Envoy Air 3742 हे विमान उड्डाण करून त्याच्या मार्गाजवळ आले. त्याचवेळी Republic 4700 हे आणखी एक प्रवासी विमानही परिसरात असल्याने एअर ट्रॅफिक कंट्रोलला त्याचा मार्ग तातडीने बदलावा लागला. (Flight Safety)

या घटनेनंतर एअर ट्रॅफिक कंट्रोलच्या कार्यपद्धतीची आणि सुरक्षा नियमांच्या अंमलबजावणीची उच्चस्तरीय चौकशी सुरू करण्यात आली आहे. भविष्यात अशा प्रकारच्या घटना टाळण्यासाठी आवश्यक सुधारणा करण्यावरही भर दिला जाणार असल्याचे सांगितले जात आहे. (World News)