महिलांच्या ६० किलो वजनी गटाच्या अंतिम सामन्यात भारताची युवा बॉक्सर प्रिया घंगास हिने अत्यंत प्रभावी कामगिरी करत कॅनडाच्या मेरी अल-अहमदियेह हिचा पराभव केला आणि भारतासाठी सुवर्णपदकावर आपले नाव कोरले.

१ ऑगस्ट २०२६ रोजी खेळल्या गेलेल्या या अंतिम सामन्याची सुरुवात प्रियासाठी आव्हानात्मक होती.

पहिल्या फेरीतील विजयानंतरच तिने मोकळा श्वास घेतला.

https://prahaar.in/2026/08/02/hosting-rights-for-the-2030-commonwealth-games-officially-transferred-to-ahmedabad/

‘गोल्डन गर्ल’ आणि ‘मिनी क्यूबा भिवानी’ :

हरियाणातील भिवानी जिल्ह्यातील धनना या छोट्याशा गावची रहिवासी असलेली २० वर्षीय प्रिया घंगास आज देशाची नवी क्रीडा स्टार बनली आहे. तिचे कुटुंब मध्यमवर्गीय असून, तिचे वडील महेंद्र घंगास हे व्यावसायिक आहेत आणि आई गृहिणी आहे. तिला एक भाऊ आणि एक बहीण आहे. तिच्या भावाचे नाव नीरज असून तोसुद्धा बॉक्सिंगमध्येच आपले भवितव्य घडवण्याचे स्वप्न पाहत आहे.
तिच्या या शानदार कामगिरीमुळे क्रीडा रसिकांनी तिला “गोल्डन गर्ल” आणि “मिनी क्यूबा भिवानीची नवी मुलगी” अशी टोपणनावे दिली आहेत.

https://prahaar.in/2026/08/02/india-ranks-fourth-in-the-medal-tally-with-39-medals-historic-performance-by-boxers-on-day-10/

कुस्तीची आवड आणि बॉक्सिंगमधील सुवर्णमय प्रवास : 

प्रियाच्या बॉक्सिंग कारकिर्दीची कहाणी अतिशय मनोरंजक आहे. लहानपणी प्रियाला बॉक्सिंगपेक्षा कुस्ती या खेळात जास्त रस होता. परंतु, २००८ मध्ये भारतीय बॉक्सर विजेंदर सिंग यांनी ऑलिम्पिकमध्ये मिळवलेले ऐतिहासिक यश पाहून ती प्रेरित झाली आणि तिने बॉक्सिंगमध्ये करिअर करण्याचा पक्का निश्चय केला.
त्यानंतर २०१६ पासून तिने अधिकृतपणे बॉक्सिंगच्या रिंगमध्ये पाऊल ठेवले आणि कठोर परिश्रमांच्या जोरावर प्रगती करत गेली. अवघ्या २० वर्षे वय असलेल्या प्रियाने जागतिक स्तरावर भारताचे प्रतिनिधित्व करत देशाची मान अभिमानाने उंचावली आहे. येत्या काळातही ती अशीच चमकदार कामगिरी करत देशाल गौरव मिळवून देईल, अशी अपेक्षा व्यक्त केली जात आहे.