शेळगी परिसरातील सोलापूर-हैदराबाद महामार्गावर दुर्घटना; 10 प्रवासी गंभीर जखमी

सोलापूर : सोलापूर-हैदराबाद (Solapur-Hyderabad) राष्ट्रीय महामार्गावरील शेळगी परिसरात शुक्रवारी पहाटे भीषण अपघात झाला. पुण्याहून उमरग्याकडे जाणाऱ्या एसटी बसला ट्रकची जोरदार धडक बसल्याने एसटी चालकासह एका महिला प्रवाशाचा जागीच मृत्यू झाला, तर सुमारे 10 प्रवासी गंभीर जखमी झाले आहेत.

मिळालेल्या माहितीनुसार, ही एसटी बस पुण्यातील कुरकुंभ येथून धाराशिव जिल्ह्यातील उमरग्याकडे निघाली होती. पहाटे सुमारे 4.30 वाजता बस सोलापूर मध्यवर्ती एसटी स्थानकात पोहोचली. तेथून प्रवासी घेऊन बस पुढे रवाना झाल्यानंतर शेळगी परिसरात हा भीषण अपघात झाला. (Accident)

https://prahaar.in/2026/07/31/good-news-for-those-planning-a-trip-to-mulshi-pmps-special-tourist-bus-service-has-launched-enjoy-a-nature-tour-for-just-%e2%82%b9500/

प्राथमिक माहितीनुसार, लोखंडी सळ्या घेऊन जाणाऱ्या ट्रकला एसटी बसची मागून धडक बसली. या भीषण धडकेत बसचा पुढील भाग चक्काचूर झाला. अपघातात एसटी चालक आणि एका महिला प्रवाशाचा जागीच मृत्यू झाला. (Death)

घटनेची माहिती मिळताच स्थानिक नागरिक, पोलीस आणि बचाव पथकाने तातडीने घटनास्थळी धाव घेत बसमध्ये अडकलेल्या प्रवाशांची सुटका केली. जखमी झालेल्या सुमारे 10 प्रवाशांना तातडीने सोलापूरच्या शासकीय रुग्णालयात उपचारासाठी दाखल करण्यात आले असून त्यांच्यावर उपचार सुरू आहेत. (Solapur Accident News)

https://prahaar.in/2026/07/31/chembur-tree-collapse-thorough-inquiry-into-the-chembur-tree-incident-to-be-conducted-by-an-independent-one-member-committee/

या अपघातामुळे सोलापूर-हैदराबाद राष्ट्रीय महामार्गावरील वाहतूक काही काळ विस्कळीत झाली होती. पोलिसांनी अपघातग्रस्त वाहने बाजूला करून वाहतूक सुरळीत केली असून, अपघाताचे नेमके कारण काय होते, याचा पुढील तपास सुरू आहे. (Truck Accident)