कर्नाटकातील सरकारकडून महाविद्यालयांमध्ये विशेष तपासणी मोहीम सुरू

कर्नाटकातील १८ ते २५ वयोगटातील ७,००० हून अधिक तरुण आणि विद्यार्थी एचआयव्ही बाधित आढळल्याची चिंताजनक माहिती समोर आली आहे. या गंभीर परिस्थितीची दखल घेत कर्नाटक सरकारने आता सर्व अभियांत्रिकी आणि पदवी महाविद्यालयांमध्ये एचआयव्ही तपासणी तसेच समुपदेशन शिबिरे आयोजित करण्याचा निर्णय घेतला आहे. ही शिबिरे सर्व सरकारी, अनुदानित आणि खाजगी महाविद्यालयांमध्ये घेतली जातील. परंतु, कोणत्याही विद्यार्थ्याची तपासणी त्याच्या संमतीशिवाय केली जाणार नाही, असे सरकारने स्पष्ट केले आहे.

https://prahaar.in/2026/07/29/jalgaon-crime-attempt-to-murder-sisters-husband-by-striking-his-head-with-a-stone/

कर्नाटक राज्य एड्स प्रतिबंधक सोसायटीच्या शिफारशीनुसार उच्च शिक्षण विभाग आणि तंत्रज्ञान विद्यापीठाने महाविद्यालयांमध्ये एकात्मिक आरोग्य शिबिरे सुरू केली आहेत. नॅशनल एड्स कंट्रोल ऑर्गनायझेशनच्या अहवालानुसार भारतात एचआयव्ही बाधितांच्या संख्येत कर्नाटक तिसऱ्या क्रमांकावर आहे. कर्नाटकात सध्या सुमारे २.६० लाख लोक एचआयव्हीसह जगत आहेत. मात्र त्यापैकी २.०५ लाख लोकच उपचार घेत आहेत. म्हणजेच ५४ हजार लोकांना आपल्याला संसर्ग झाल्याची माहितीच नाही.

१८ ते ३५ वयोगटातील तरुणांमध्ये एचआयव्हीचे प्रमाण वेगाने वाढले आहे. २०२३-२४ मध्ये ही संख्या ४४,५०० होती, ती आता ६६,६०० वर पोहोचली आहे. यामध्ये १८ ते २५ वयोगटातील ७,००० हून अधिक विद्यार्थी आढळल्याने प्रशासनाने महाविद्यालयांवर लक्ष केंद्रित केले आहे. विद्यार्थ्यांची गोपनीयता जपण्यासाठी विशेष क्यूआर कोड आधारित स्व-जोखीम मूल्यांकन सुविधाही सुरू करण्यात आली आहे. विद्यार्थी मोबाईलद्वारे क्यूआर कोड स्कॅन करून स्वतःच्या धोक्याची माहिती घेऊ शकतात.

https://prahaar.in/2026/07/29/every-death-in-police-custody-will-now-be-treated-as-a-custodial-death-state-governments-decision/

या मोहिमेचा मुख्य उद्देश संसर्गाचे वेळेत निदान करून उपचार सुरू करणे आणि तरुणांमध्ये जागृती निर्माण करणे हा आहे. ९५ टक्के बाधितांना त्यांच्या आजाराची माहिती असणे, ९५ टक्के रुग्णांना उपचारांशी जोडणे आणि ९९ टक्के रुग्णांमधील व्हायरसचा प्रभाव कमी करणे हे उद्दिष्ट या मोहिमेद्वारे साध्य केले जाणार आहे. या