नवी दिल्ली  : ‘एसोसिएशन फॉर डेमोक्रॅटिक रिफॉर्म्स’ (ADR) ने देशातील ३१ राज्ये आणि केंद्रशासित प्रदेशांच्या मुख्यमंत्र्यांची संपत्ती तसेच त्यांच्यावरील गुन्हेगारी प्रकरणांविषयीचा अहवाल प्रसिद्ध केला आहे. या अहवालानुसार, कर्नाटकचे मुख्यमंत्री डी. के. शिवकुमार हे देशातील सर्वात श्रीमंत मुख्यमंत्री आहेत; त्यांच्याकडे एकूण १,४१३ कोटी रुपयांची संपत्ती आहे. देशातील ३१ मुख्यमंत्र्यांची एकूण संपत्ती ३,६६० कोटी रुपये आहे. दुसऱ्या बाजूला, सर्वात कमी संपत्ती असलेल्या मुख्यमंत्र्यांमध्ये जम्मू-कश्मीरचे मुख्यमंत्री उमर अब्दुल्ला पहिल्या क्रमांकावर आहेत; त्यांच्याकडे ५५ लाख रुपयांची संपत्ती आहे. तर या यादीत तिसऱ्या क्रमांकावर राजस्थानचे मुख्यमंत्री भजनलाल शर्मा असून त्यांच्याकडे १.४६ कोटी रुपयांची संपत्ती आहे.अहवालानुसार, ३१ पैकी १४ मुख्यमंत्र्यांनी आपल्या प्रतिज्ञापत्रात स्वतःवर गुन्हे दाखल असल्याची माहिती दिली आहे. यापैकी ११ मुख्यमंत्र्यांवर हत्येचा प्रयत्न, भ्रष्टाचार आणि लाचखोरी यांसारखे गंभीर गुन्हे दाखल आहेत. तेलंगणाचे मुख्यमंत्री रेवंत रेड्डी यांच्यावर सर्वाधिक ८९ गुन्हे, सुवेंदू अधिकारी यांच्यावर २९ तर डी. के. शिवकुमार आणि चंद्राबाबू नायडू यांच्यावर प्रत्येकी १९ गुन्हे दाखल आहेत. (ADR Report)

https://prahaar.in/2026/07/29/person-arrested-for-hacking-into-nic-database-and-issuing-bogus-fitness-certificates-for-vehicles/

सर्वात श्रीमंत मुख्यमंत्री

नाव – राज्य – संपत्ती (कोटी रुपयांमध्ये)

डी. के. शिवकुमार – कर्नाटक – १,४१३

चंद्राबाबू नायडू – आंध्र प्रदेश – ९३१

सी. जोसेफ विजय – तमिळनाडू – ६४८

पेमा खांडू – अरुणाचल प्रदेश – ३३२

नेफ्यू रिओ – नागालँड – ४६

https://prahaar.in/2026/07/29/good-news-karishma-tanna-became-a-mother-on-the-auspicious-occasion-of-guru-purnima-gave-birth-to-an-adorable-baby-boy/

सर्वात कमी संपत्ती असलेले मुख्यमंत्री

नाव – राज्य – संपत्ती (कोटी रुपयांमध्ये)

उमर अब्दुल्ला – जम्मू आणि कश्मीर – ०.५५

सुवेंदू अधिकारी – पश्चिम बंगाल – ०.८५

भजनलाल शर्मा – राजस्थान – १.४६

योगी आदित्यनाथ – उत्तर प्रदेश – १.५४

भगवंत मान – पंजाब – १.९७