नवी दिल्ली : भारताची नेमबाज सैन्यम हिने चीनमधील हांगझोउ येथे सुरू असलेल्या आयएसएसएफ विश्वचषक रायफल/पिस्तूल/शॉटगन स्पर्धेत शानदार कामगिरी करत महिला 10 मीटर एअर पिस्तूल प्रकारात रौप्यपदक आपल्या नावावर केले. यासह तिने स्पर्धेत भारताचे पदक खातेही उघडले.

https://prahaar.in/2026/07/24/mega-block-on-the-thane-kalyan-up-and-down-fast-lines-on-sunday/

अंतिम फेरीत सैन्यमने दबावाच्या परिस्थितीत उत्कृष्ट संयम आणि सातत्यपूर्ण कामगिरीचे प्रदर्शन करत 243.4 गुणांची कमाई केली आणि दुसरे स्थान पटकावत रौप्यपदक जिंकले. हे तिच्या कारकिर्दीतील दुसरे आयएसएसएफ विश्वचषक रौप्यपदक असून, आंतरराष्ट्रीय स्तरावरील तिच्या सातत्याने उंचावत चाललेल्या कामगिरीचा तो पुरावा आहे.

https://prahaar.in/2026/07/24/western-railway-trips-of-13-special-trains-increased/

यापूर्वी पात्रता फेरीत सान्यमने 579 गुण मिळवत अंतिम फेरीत स्थान निश्चित केले होते. संपूर्ण पात्रता फेरीत तिने अचूक नेमबाजीचे प्रदर्शन केले आणि त्याच लयीत अंतिम फेरीतही खेळ करत भारताला स्पर्धेतील पहिले पदक मिळवून दिले. हांगझोउ येथे सुरू असलेल्या या प्रतिष्ठेच्या जागतिक स्पर्धेत भारतीय नेमबाजांकडून पुढेही अनेक पदकांची अपेक्षा आहे. सैन्यमच्या रौप्यपदकामुळे भारतीय संघाचे मनोबल उंचावले असून स्पर्धेची सकारात्मक सुरुवातही झाली आहे.