“एका डोळ्यात आनंद, दुसऱ्या डोळ्यात अश्रू…”; अजितदादांच्या जयंतीनिमित्त उपमुख्यमंत्री एकनाथ शिंदेंची भावनिक आदरांजली

दिवंगत उपमुख्यमंत्री अजितदादा पवार (Ajit Pawar) यांच्या जयंतीनिमित्त उपमुख्यमंत्री एकनाथ शिंदे यांनी त्यांना अत्यंत भावनिक शब्दांत आदरांजली वाहिली आहे. 22 जुलै हा दिवस मुख्यमंत्री देवेंद्र फडणवीस यांच्या वाढदिवसाचा आनंद आणि महायुतीचे प्रमुख नेते अजितदादा पवार यांच्या आठवणींचे दुःख असा संमिश्र भावनांनी भरलेला दिवस असल्याचे शिंदे यांनी सांगितले. (Ajit Pawar Birthday)

https://prahaar.in/2026/07/22/devendra-the-name-alone-is-enough-deputy-chief-minister-eknath-shinde-extends-birthday-wishes-to-chief-minister-fadnavis-in-unique-words/

एका डोळ्यात आनंद आणि दुसऱ्या डोळ्यात अश्रू घेऊन आजचा दिवस आला आहे, अशा शब्दांत एकनाथ शिंदे यांनी आपल्या भावना व्यक्त केल्या. अजितदादांची जागा कोणीही भरून काढू शकत नाही, परंतु त्यांनी दाखविलेल्या विकासाच्या मार्गावर चालून सुखी आणि समृद्ध महाराष्ट्र घडवण्याचे स्वप्न पूर्ण करण्यासाठी उपमुख्यमंत्री सुनेत्रा पवार यांना बळ मिळो, अशी प्रार्थना त्यांनी केली. (Eknath Shinde)

अजितदादांच्या कार्यशैलीचे स्मरण करताना शिंदे म्हणाले की, कार्यकर्त्यांशी जिव्हाळ्याचे नाते, वक्तशीरपणा, दिवसातील प्रत्येक क्षण जनतेसाठी खर्च करणे आणि प्रशासनावर प्रभावी पकड ठेवणे याचे धडे दादांनी संपूर्ण राजकीय पिढीला दिले. अर्थमंत्री म्हणून त्यांनी मांडलेला अर्थसंकल्प, शेती, शेतकरी आणि सहकार क्षेत्रावरील त्यांचा सखोल अभ्यास महाराष्ट्रासाठी नेहमीच प्रेरणादायी राहील, असेही त्यांनी नमूद केले.

https://prahaar.in/2026/07/21/pakistani-connection-of-a-fake-trust-in-beed-exposed-maharashtra-ats/

महाराष्ट्राच्या आर्थिक आणि सामाजिक प्रगतीची अनेक स्वप्ने आम्ही सोबत पाहिली होती, परंतु नियतीने दादांना आपल्यातून अकाली हिरावून नेले. त्यामुळे त्यांनी पाहिलेली विकासाची स्वप्ने पूर्ण करणे हीच त्यांच्याप्रती खरी आदरांजली ठरेल. महायुतीमधील सहकार्य आणि विकासाची दृष्टी कायम ठेवत एकनाथ शिंदे यांनी अजितदादा पवार यांच्या कार्याला कृतज्ञतापूर्वक अभिवादन केले.