मुंबई : राज्यातील लाखो प्रवाशांसाठी महत्त्वाची बातमी आहे. महाराष्ट्र राज्य मार्ग परिवहन महामंडळाच्या (MSRTC) एसटी (ST) बसच्या तिकीट दरात (Ticket Fare) वाढ करण्यात आली आहे. राज्य परिवहन प्राधिकरणाने एसटीच्या भाडेवाढीच्या प्रस्तावाला मंजुरी दिल्यानंतर नवीन तिकीट दर लागू झाले आहेत. यामुळे अनेक प्रमुख मार्गांवरील प्रवासासाठी प्रवाशांना आता अधिक पैसे मोजावे लागणार आहेत. मात्र, यापूर्वी साध्या (Ordinary) एसटी बससाठी लागू करण्यात आलेली १० टक्के हंगामी भाडेवाढ (Seasonal Fare Hike) पूर्णपणे रद्द करण्यात आली आहे.
भाडेवाढीमागचं कारण काय?
सरकारने दिलेल्या माहितीनुसार, आंतरराष्ट्रीय घडामोडींमुळे डिझेलच्या (Diesel) किमतीत झालेली वाढ, एसटी कर्मचाऱ्यांच्या वेतन व भत्त्यांमध्ये वाढ, वाहनांच्या सुट्या भागांचा (Spare Parts), टायर (Tyres) आणि देखभाल (Maintenance) खर्च वाढल्याने महामंडळावर आर्थिक ताण वाढला आहे. त्यामुळे प्रवाशांना सुरक्षित, दर्जेदार आणि अखंड सेवा (Service) देण्यासाठी भाडेवाढ आवश्यक असल्याचे सरकारने स्पष्ट केले आहे.
https://prahaar.in/2026/07/18/satara-accident-horrific-accident-while-returning-after-viewing-the-palkhi-exactly-what-happened/
राज्याचे परिवहन मंत्री प्रताप सरनाईक यांनी सांगितले की, महामंडळ आर्थिकदृष्ट्या सक्षम (Financially Strong) करण्यासाठी हा निर्णय घेण्यात आला असून, प्रवाशांवर कमीत कमी आर्थिक भार पडेल याची काळजी घेण्यात आली आहे.
पुणे, मुंबईसह प्रमुख मार्गांवरील तिकीट दर वाढले
नवीन दरांनुसार मुंबई, पुणे आणि नाशिक येथून सुटणाऱ्या अनेक महत्त्वाच्या मार्गांवरील तिकीट दर वाढले आहेत. मुंबई ते धुळे, मुंबई ते कोल्हापूर, मुंबई ते सातारा, मुंबई ते नाशिक तसेच पुणे ते कोल्हापूर, पुणे ते अहिल्यानगर आणि पुणे ते छत्रपती संभाजीनगर या मार्गांवर प्रवास करणाऱ्या प्रवाशांना आता वाढीव भाडे भरावे लागणार आहे.
https://prahaar.in/2026/07/17/sir-garfield-sobers-passes-away-at-the-age-of-89/
प्रमुख मार्गांचे जुने आणि नवे तिकीट दर
- मुंबई ते सातारा: ₹४९८ → ₹५१५
- मुंबई ते कोल्हापूर: ₹७३० → ₹७५५
- मुंबई ते नाशिक: ₹३५५ → ₹३७०
- मुंबई ते धुळे: ₹६६४ → ₹६८५
- मुंबई ते चिपळूण: ₹४९८ → ₹५१५
- मुंबई ते सोलापूर: ₹७७५ → ₹८००
- पुणे ते कोल्हापूर: ₹४२१ → ₹४३५
- पुणे ते अहिल्यानगर: ₹२३३ → ₹२४०
- पुणे ते छत्रपती संभाजीनगर: ₹४५४ → ₹४७०
- नाशिक ते पुणे: ₹४१० → ₹४२५