सवाई माधोपूर : राजस्थानातील सवाई माधोपूर जिल्ह्यातील एका सरकारी शाळेत संतापजनक प्रकार उघडकीस आला आहे. ५०० रुपये चोरी झाल्याच्या संशयावरून विद्यार्थिनींना जबरदस्तीने कपडे काढण्यास भाग पाडल्याचा आरोप एका वरिष्ठ महिला शिक्षिकेवर करण्यात आला आहे. या प्रकरणी शिक्षण विभागाने संबंधित शिक्षिकेला तात्काळ निलंबित केले असून विभागीय चौकशी सुरू केली आहे. ( Rajasthan News)
नेमकं काय आहे प्रकरण ?
ही घटना बामनवास परिसरातील लिवाली गावातील शासकीय वरिष्ठ माध्यमिक शाळेत घडली. शाळेत हिंदी विषयाच्या वरिष्ठ शिक्षिका म्हणून कार्यरत असलेल्या सरस्वती मीना यांच्यावर हा आरोप करण्यात आला आहे. (School News)
https://prahaar.in/2026/07/16/shri-krishna-was-a-muslim-claims-maulana-new-controversy-erupts-over-viral-video-hindu-organizations-demand-action/
मिळालेल्या माहितीनुसार, शिक्षिकेच्या बॅगेतून ५०० रुपये गायब झाल्याचे लक्षात आल्यानंतर त्यांनी वर्गातल्या विद्यार्थिनींवर संशय व्यक्त केला. त्यानंतर नववी आणि अकरावीच्या विद्यार्थिनींना एका खोलीत नेऊन त्यांच्या झडतीच्या नावाखाली कपडे काढण्यास भाग पाडल्याचा आरोप आहे. आपले ५०० रुपये मुलींनीच चोरले असल्याचे त्यांना संशय होता.
पालकांचा संताप
या प्रकरणाची माहिती मुलींनी आपल्या पालकांना दिली. घटनेची माहिती मिळताच संतप्त पालकांनी शाळेत धाव घेत गोंधळ घातला. त्यानंतर शिक्षण विभाग आणि प्रशासनातील वरिष्ठ अधिकारी घटनास्थळी पोहोचले. प्राथमिक चौकशी अहवालानंतर शिक्षण विभागाने संबंधित शिक्षिकेला तात्काळ प्रभावाने निलंबित केले. (Teacher Suspended)
https://prahaar.in/2026/07/16/supreme-court-expresses-strong-displeasure-over-the-three-language-policy-introducing-a-new-language-from-class-9-imposes-unnecessary-stress-on-students/
View this post on Instagram
भरतपूर विभागाच्या शालेय शिक्षण सहसंचालक कार्यालयाने जारी केलेल्या आदेशानुसार, राजस्थान नागरी सेवा (वर्गीकरण, नियंत्रण आणि अपील) नियम, १९५८ अंतर्गत ही कारवाई करण्यात आली आहे. निलंबनाच्या काळात संबंधित शिक्षिकेचे मुख्यालय धोलपूर जिल्ह्यातील राजाखेरा गट शिक्षण कार्यालयात राहणार असून त्यांना नियमानुसार निर्वाह भत्ता दिला जाणार आहे.
या प्रकरणाची सखोल विभागीय चौकशी सुरू असून, चौकशी अहवालानंतर पुढील कारवाई केली जाणार असल्याचे शिक्षण विभागाने स्पष्ट केले आहे. या संतापजनक घटनेनंतर शालेय जीवनावर प्रश्न चिन्ह उपस्थित केला जात आहे. (Rajasthan)