टोकियो : दोन वेळची ऑलिम्पिक पदक विजेती पीव्ही सिंधूने या मोसमातील सर्वोत्तम कामगिरींपैकी एक करत, चीनच्या जागतिक क्रमवारीत पाचव्या क्रमांकावर असलेल्या हान यूला सरळ गेम्समध्ये पराभूत केले आणि गुरुवारी येथे झालेल्या जपान ओपन सुपर 750 बॅडमिंटन स्पर्धेच्या उपांत्यपूर्व फेरीत धडक मारली. संथ सुरुवातीनंतर, सिंधूने पहिल्या गेमच्या मध्यावर आपली लय पकडली आणि शटलवर सफाईदारपणे प्रहार करत रॅलीवर नियंत्रण मिळवले आणि आघाडी घेतली. ( PV Sindhu Japan Open)

https://prahaar.in/2026/07/16/fifa-worldcupincredible-records-and-fascinating-anecdotes-from-history/

सध्या बॅडमिंटन क्रमवारीत १० व्या स्थानावर असलेल्या पी. व्ही. सिंधूने अवघ्या ३५ मिनिटांत चीनच्या हान युचा (जी जागतिक क्रमवारीत ५ व्या स्थानावर आहे) २१-१६, २१-१४ असा पराभव करून स्पर्धेच्या उपांत्यपूर्व फेरीत स्थान मिळवले. आता ‘बीडब्ल्यूएफ सुपर ७५०’ स्पर्धेच्या उपांत्य फेरीत प्रवेश करण्यासाठी तिला माजी विश्वविजेती नोझोमी ओकुहाराचा सामना करावा लागणार आहे. दक्षिण कोरियाची अव्वल मानांकित बॅडमिंटनपटू ‘आन से-यंग’ने दुसऱ्या फेरीतील सामन्यातून माघार घेतल्यामुळे ओकुहाराला पुढील फेरीत प्रवेश मिळाला. ( Japan Open Badminton)

ओकुहाराविरुद्धच्या आगामी सामन्याबद्दल बोलताना सिंधू म्हणाली, “आम्ही लहानपणापासून विशेषतः ‘अंडर-१९’ गटापासून एकमेकींविरुद्ध खेळत आलो आहोत आणि आमचे अनेक सामने झाले आहेत. मला वाटते की उद्याचा सामना खूप रोमांचक असेल.” ( PV Sindhu Quarterfinal)

https://prahaar.in/2026/07/16/ind-vs-eng-major-changes-to-the-playing-xi-for-the-second-match-will-this-player-open-the-innings-alongside-rohit-here-is-indias-likely-playing-xi-for-the-second-match/

ती पुढे म्हणाली, “अलीकडच्या काळात तिची कामगिरीही चांगली झाली आहे आणि तिने काही उत्तम सामने खेळले आहेत. आज तिचा सामना नाही कारण आन से-यंगने माघार घेतली आहे. पण माझ्यासाठी, परत जाऊन शरीराला योग्य विश्रांती देणे आणि अधिक ताकदीनिशी परतणे महत्त्वाचे आहे.” ( Badminton News)

दरम्यान, लक्ष्य सेन आणि आयुष शेट्टी या दोघांनाही पहिल्या फेरीतील सामन्यांत पराभवाचा सामना करावा लागला होता. तर सात्विकसाईराज रँकीरेड्डी आणि चिराग शेट्टी यांना त्यांच्या सलामीच्या सामन्यादरम्यान दुखापतीमुळे माघार घ्यावी लागली. ( China Badminton)