नवी दिल्ली: २०२० च्या ईशान्य दिल्ली दंगलीदरम्यान गुप्तचर विभागातील (IB) अधिकारी अंकित शर्मा यांच्या हत्येप्रकरणी दिल्लीतील कर्करडूमा न्यायालयाने एक अत्यंत महत्त्वाचा निकाल दिला आहे. न्यायालयाने आम आदमी पक्षाचे (AAP) माजी नगरसेवक ताहिर हुसेन यांना अंकित शर्मा यांच्या हत्येसह विविध गंभीर गुन्ह्यांमध्ये दोषी ठरवले आहे. अतिरिक्त सत्र न्यायाधीश प्रवीण सिंह यांनी हा निकाल सुनावला.

https://prahaar.in/2026/07/13/new-dreams-of-married-life-shattered-newlywed-woman-dies-in-a-horrific-accident-just-days-after-the-wedding/

निकालातील प्रमुख कलमे

न्यायालयाने ताहिर हुसेन यांना खालील कलमांखाली दोषी ठरवले आहे:

• कलम ३०२: हत्या

• कलम १५३A: दोन गटांमध्ये वैमनस्य पसरवणे

• कलम १४७, १४८, १४९: दंगल आणि बेकायदेशीर जमाव

• कलम ३६५: अपहरण

• कलम १८८: सार्वजनिक अधिकार्‍याने दिलेल्या आदेशाचे उल्लंघन

दरम्यान, न्यायालयाने ताहिर हुसेन यांची ‘कट रचणे’ (कलम १२०बी) आणि कलम १२९ या आरोपांतून निर्दोष मुक्तता केली आहे. निकाल जाहीर होताच न्यायालयात ताहिर हुसेन भावूक झाल्याचे पाहायला मिळाले.

https://prahaar.in/2026/07/13/indw-vs-engw-a-magnificent-feat-by-indias-women-cricketers-at-the-historic-lords-ground-a-resounding-270-run-victory-over-england/

काय होते प्रकरण?

फेब्रुवारी २०२० मध्ये नागरिकत्व सुधारणा कायद्याच्या (CAA) विरोधात ईशान्य दिल्लीत भीषण दंगल उसळली होती. २५ फेब्रुवारी २०२० रोजी आयबी अधिकारी अंकित शर्मा किराणा सामान आणण्यासाठी घराबाहेर पडले होते, परंतु ते पुन्हा परतले नाहीत. त्यानंतर काही काळाने चांदबाग पुलाजवळील नाल्यात त्यांचा मृतदेह आढळून आला. शवविच्छेदन अहवालात अंकित शर्मा यांच्या शरीरावर धारदार शस्त्र आणि बोथट वस्तूंनी केलेल्या तब्बल ५१ जखमा असल्याचे धक्कादायक वास्तव समोर आले होते.

https://prahaar.in/2026/07/13/young-woman-sexually-assaulted-under-the-pretext-of-marriage-victim-attempts-suicide/

कायदेशीर प्रक्रिया आणि प्रतिक्रिया

अंकित शर्मा यांच्या वडिलांनी दयालपूर पोलीस ठाण्यात ताहिर हुसेन आणि त्यांच्या सहकाऱ्यांविरोधात तक्रार दाखल केली होती. मार्च २०२३ मध्ये या प्रकरणी ताहिर हुसेन आणि इतर १० आरोपींविरोधात आरोप निश्चित करण्यात आले होते.

या निकालावर प्रतिक्रिया देताना भाजप नेते कपिल मिश्रा यांनी म्हटले की, “अंकित शर्मा यांची हत्या ही पूर्वनियोजित होती, हे मी गेल्या सहा वर्षांपासून सांगत आलो आहे.”

या ऐतिहासिक निकालामुळे दिल्ली दंगलीतील पीडितांना न्याय मिळण्याच्या दिशेने एक महत्त्वाचे पाऊल पडले असल्याचे मानले जात आहे.