ठाण्यातील धक्कादायक घटना, आईने साडेतीन वर्षाच्या मुलाला दिले गरम चटके, गुन्हा दाखल 

ठाणे : आई आणि मुलाच्या नात्याला मायेचे प्रतीक मानले जाते. मात्र ठाण्यातील वागळे इस्टेट परिसरात घडलेल्या एका घटनेने अनेकांना धक्का बसला आहे. किसन नगर भागात साडेतीन वर्षांच्या मुलावर त्याच्याच आईने अमानुष अत्याचार केल्याचा प्रकार समोर आला असून पोलिसांनी संबंधित महिलेविरुद्ध गुन्हा दाखल केला आहे. ( Thane News)

https://prahaar.in/2026/07/05/pune-airport-news-major-accident-averted-at-pune-airport-aircraft-applies-emergency-brakes-on-the-runway/

मिळालेल्या माहितीनुसार, पीडित मुलाने आपल्या आजीकडे आईकडून होणाऱ्या मारहाणीची माहिती दिली. तसेच गरम उलथण्यानं हात-पायांवर चटके दिल्याचेही त्याने सांगितले. हे ऐकून आजीने तातडीने त्याला घेऊन स्थानिक शिवसेना मध्यवर्ती शाखेत धाव घेतली. (Crime News)

बालकाच्या अंगावरील जखमा पाहून उपस्थितांनाही धक्का बसला. त्यानंतर शाखाप्रमुख सुनील मोरे यांनी वेळ न दवडता मुलाला जवळच्या रुग्णालयात (Hospital) दाखल केले. सध्या त्याच्यावर उपचार सुरू आहेत.

https://prahaar.in/2026/07/05/traffic-changes-in-kasarvadavali-for-the-thane-borivali-tunnel-project-route-closed-from-july-6-to-august-5/

यानंतर सुनील मोरे आणि महिला पदाधिकाऱ्यांनी संबंधित महिलेच्या घरी जाऊन तिला ताब्यात घेतले आणि वागळे इस्टेट पोलिसांच्या (Police) स्वाधीन केले. पोलिसांनी महिलेविरुद्ध गुन्हा (FIR) नोंदवून पुढील तपास सुरू केला आहे.

या घटनेनंतर परिसरात संतापाचे वातावरण असून, स्वतःच्या मुलाशी अशी अमानुष वागणूक करणाऱ्या महिलेला कठोर शिक्षा व्हावी, अशी मागणी नागरिकांकडून केली जात आहे.

दरम्यान, पोलिसांकडून या प्रकरणाचा अधिक तपास सुरू असून, मुलावर अत्याचार का करण्यात आला आणि त्यामागील कारण काय होते, याचा शोध घेतला जात आहे.