मुंबई : मुंबईतील ऐतिहासिक ससून डॉकचे (Sassoon Dock) डिजिटायझेशन आणि आधुनिकीकरण करून त्याला जागतिक दर्जाचे व पर्यावरणपूरक मत्स्य बंदर बनवण्याच्या कामाला आता गती मिळणार आहे. या संदर्भात फिनलंडच्या कंपन्यांच्या मदतीने राबवल्या जाणाऱ्या आधुनिकीकरण प्रकल्पाचा सविस्तर आढावा घेण्यासाठी विधानसभा अध्यक्ष राहुल नार्वेकर यांच्या विधानभवनातील दालनात मत्स्यव्यवसाय मंत्री नितेश राणे (Nitesh Rane) यांच्या उपस्थितीत एक महत्त्वपूर्ण बैठक पार पडली. या प्रकल्पाच्या अंमलबजावणीमुळे ससून डॉकचा कायापालट होणार आहे.

https://prahaar.in/2026/07/03/implementation-of-the-3×15-scoring-system-by-the-badminton-association-of-india/

या विशेष बैठकीत ससून डॉकच्या आधुनिकीकरणासोबतच इतरही अनेक प्रलंबित आणि तांत्रिक विषयांवर सविस्तर चर्चा करण्यात आली.या बैठकीदरम्यान ससून डॉक परिसरातील ‘बीपीटी’च्या (मुंबई पोर्ट ट्रस्ट) अखत्यारीतील गोडाऊनसंदर्भात सविस्तर चर्चा करण्यात आली. या परिसराचा योग्य वापर करून आधुनिकीकरण प्रकल्पाला गती देण्याबाबत या वेळी नियोजन करण्यात आले. फिनलंडच्या कंपन्यांचे सहकार्य घेऊन या संपूर्ण परिसराचे डिजिटायझेशन करणे आणि पर्यावरणपूरक तंत्रज्ञानाचा वापर करून बंदराचा विकास करणे हा या योजनेचा मुख्य उद्देश आहे.

https://prahaar.in/2026/07/03/investment-of-%e2%82%b91200-crore-in-the-state-including-a-greenfield-project-in-jamner/

या महत्त्वपूर्ण बैठकीला मत्स्यआयुक्त तथा महाराष्ट्र सागरी मंडळाचे मुख्य कार्यकारी अधिकारी पी. प्रदीप, मत्स्योद्योग महामंडळाचे व्यवस्थापकीय संचालक प्रकाश खपले यांच्यासह संबंधित विभागांचे वरिष्ठ अधिकारी उपस्थित होते.