Mumbai : भारत आणि इंग्लंड यांच्यातील पाच सामन्यांची टी ट्वेंटी आंतरराष्ट्रीय मालिका आज (१ जुलै) सुरू होत आहे. मालिकेतील पहिल्याच सामन्यात, भारतीय सलामीवीर अभिषेक शर्मा (Abhishek Sharma) याला एक नवा विक्रम करण्याची संधी आहे. टी ट्वेंटी आंतरराष्ट्रीय सामन्यांमध्ये इंग्लंडविरुद्ध सर्वाधिक षटकार मारण्याचा विक्रम मोडण्यासाठी अभिषेकला केवळ सहा षटकारांची गरज आहे.

https://prahaar.in/2026/07/01/ravindra-chavan-bjps-march-towards-success-driven-by-the-hard-work-of-ordinary-party-workers/

सध्या इंग्लंड विरूद्धच्या सर्वाधिक षटकारांचा विक्रम हार्दिक पांड्याच्या नावावर आहे. पांड्याने इंग्लंडविरुद्ध खेळताना २७ षटकार मारले आहेत. मात्र, दुखापतीमुळे हार्दिक या मालिकेत सहभागी होत नसल्याने, अभिषेकला पांड्याचा विक्रम मोडण्याची सुवर्णसंधी आहे. अभिषेकने इंग्लंडविरुद्ध केवळ सहा सामन्यांमध्ये २२ षटकार मारले असून तो सध्या चांगल्या फॉर्ममध्ये आहे. यामुळे तो आपल्या पहिल्याच सामन्यात हा विक्रम मोडण्याची शक्यता वाढली आहे.

https://prahaar.in/2026/07/01/pravin-darekar-sachin-ahir-unanimously-elected-as-deputy-chairman-of-the-legislative-council-delighted-that-a-friend-who-emerged-from-the-student-movement-has-reached-this-high-office/

इंग्लंडविरुद्ध सर्वाधिक षटकार मारणाऱ्या भारतीय फलंदाजांच्या यादीत हार्दिकनंतर अभिषेक दुसऱ्या स्थानावर असून विराट कोहली (18) आणि रोहित शर्मा (17) अनुक्रमे तिसऱ्या आणि चौथ्या स्थानावर आहेत. मात्र, विराट आणि रोहित (Virat and Rohit) यांनी टी ट्वेंटी आंतरराष्ट्रीय क्रिकेटमधून निवृत्ती घेतल्याने अभिषेकसमोर विक्रम मोडण्याची मोठी संधी आहे. दरम्यान, इंग्लंडविरुद्ध टी ट्वेंटी क्रिकेटमध्ये सर्वाधिक धावा करण्याचा विक्रम अजूनही विराट कोहलीच्या नावावर आहे. त्याने 21 सामन्यांत 648 धावा केल्या आहेत. टीम इंडियाचा पहिला टी ट्वेंटी सामना भारतीय वेळेनुसार रात्री दहा वाजता खेळवला जाणार आहे. या सामन्यात अभिषेक शर्माच्या फलंदाजीकडे क्रिकेटप्रेमींचे लक्ष असेल.