पुणे : किल्ले राजगड (Rajgad Fort) येथे पर्यटनासाठी (Tourism) निघालेल्या मुंबईतील अंधेरी येथील पर्यटकांच्या मिनी बसचा (Mini Bus) पुणे जिल्ह्यातील पाबे घाटात (Pabe Ghat) भीषण अपघात (Accident) झाला. आज पहाटे घाटातील एका तीव्र वळणावर चालकाचे वाहनावरील नियंत्रण सुटल्याने मिनी बस सुमारे २० ते २५ फूट खोल दरीत (Valley) कोसळली. या दुर्घटनेत दोन जणांचा मृत्यू झाला असून अनेक जण जखमी झाले आहेत.

२० जणांचा पर्यटन गट होता

मुंबईतील अंधेरी येथील २० जणांचा पर्यटकांचा गट राजगड किल्ल्यावर ट्रेकिंग (Trekking) आणि पर्यटनासाठी रवाना झाला होता. पाबे घाटातून प्रवास करत असताना एका वळणावर चालकाचे मिनी बसवरील नियंत्रण सुटले आणि वाहन थेट रस्त्यालगतच्या दरीत कोसळले.

https://prahaar.in/2026/06/28/historic-feat-for-congo-enters-knockout-stage-by-defeating-uzbekistan/

दोघांचा मृत्यू, अनेक जखमी

या भीषण अपघातात एका तरुणाचा आणि एका तरुणीचा जागीच मृत्यू झाला. चालकासह काही पर्यटक गंभीर जखमी (Seriously Injured) झाले असून इतर प्रवाशांना किरकोळ दुखापत झाली आहे. जखमींवर जवळच्या रुग्णालयात उपचार (Treatment) सुरू आहेत.

https://prahaar.in/2026/06/28/upsc-recruitment-2026-direct-recruitment-for-105-posts-in-the-central-government-by-when-can-you-apply/

स्थानिकांनी केले तातडीचे मदतकार्य

अपघाताची माहिती मिळताच स्थानिक नागरिक आणि बचाव पथक (Rescue Team) घटनास्थळी दाखल झाले. त्यांनी जखमींना दरीतून बाहेर काढून रुग्णालयात हलवले. त्यानंतर जेसीबीच्या (JCB) सहाय्याने दरीत कोसळलेली मिनी बस बाहेर काढण्यात आली. पोलीस (Police) या अपघाताचा अधिक तपास (Investigation) करत आहेत.