मियामी : फिफा विश्वचषक २०२६ (FIFA World Cup 2026) स्पर्धेतील ग्रुप K मधील महत्त्वाच्या सामन्यात पोर्तुगाल (Portugal) आणि कोलंबिया (Colombia) यांच्यात ०-० असा गोलशून्य (Goalless Draw) सामना झाला. या निकालामुळे पोर्तुगालला ग्रुपमध्ये अव्वल स्थान मिळवण्याची मोठी संधी गमवावी लागली, तर कोलंबियाने ग्रुप K मध्ये अव्वल स्थान कायम राखले.

संपूर्ण सामन्यात कोलंबियाने आक्रमक खेळ करत पोर्तुगालवर दबाव कायम ठेवला. विशेषतः कोलंबियन चाहत्यांच्या (Fans) मोठ्या उपस्थितीमुळे स्टेडियमचे वातावरण त्यांच्या बाजूने होते. अतिरिक्त वेळेत (Stoppage Time) डॅव्हिन्सन सांचेझ (Davinson Sanchez) याने गोल केला होता. मात्र, व्हिडिओ असिस्टंट रेफरीच्या (VAR – Video Assistant Referee) तपासणीनंतर तो गोल रद्द करण्यात आला.

https://prahaar.in/2026/06/28/fifa-world-cup-2026-englands-commanding-victory-harry-kane-sets-a-historic-world-cup-record-top-spot-in-group-l/

पोर्तुगालचा स्टार फुटबॉलपटू ख्रिस्तियानो रोनाल्डो (Cristiano Ronaldo) या सामन्यात संघाला विजय मिळवून देण्यात अपयशी ठरला. तर ब्रुनो फर्नांडिस (Bruno Fernandes) याने मिळालेली सुवर्णसंधी दवडल्याने पोर्तुगालला गोल करता आला नाही.

या निकालानंतर पोर्तुगालचा (Portugal) राऊंड ऑफ ३२ (Round of 32) मध्ये क्रोएशिया (Croatia) विरुद्ध सामना होणार आहे. तर कोलंबिया (Colombia) पुढील फेरीत घाना (Ghana) संघाशी स्पर्धा करणार आहे.