Sunil Shetty : बॉलीवूड अभिनेता सुनिल शेट्टी आपल्या कुटुंबाबद्दल आणि विशेषतः १५ महिन्यांच्या नात इवाराबद्दल नेहमीच प्रेमाने बोलताना दिसत असतात. नुकत्याच एका मुलाखतीत त्यांनी इवाराच्या सकाळच्या एका खास सवयीचा उल्लेख केला. इवारा दररोज सकाळी नरेंद्र मोदी यांच्या फोटोला लाडूचा प्रसाद दाखवत असल्याचे त्यांनी सांगितले. यामागे कुणी तिला शिकवले नसून, “त्यांच्यात काहीतरी जादुई आहे,” असेही ते म्हणाले.

https://prahaar.in/2026/06/26/john-abrahams-entry-into-cricket/

मी पंतप्रधान मोदींचा चाहता

एका चॅनलला दिलेल्या मुलाखतीत सुनिल शेट्टी (Sunil Shetty) यांनी सांगितले की, इवाराची पंतप्रधान मोदींसोबतची पहिली ओळख तिच्या नॅनीमुळे झाली. विमानतळावर एकदा नॅनीने इवाराला मोदींबद्दल सांगितले आणि तेव्हापासून ती त्यांच्याकडे विशेष आकर्षित झाली. या घटनेनंतर इवाराच्या दैनंदिन सवयीतही एक वेगळी गोष्ट दिसू लागली. सुनिल शेट्टी म्हणाले, मी नेहमी सांगतो की मी पंतप्रधान मोदींचा चाहता आहे. हे कोणत्याही राजकीय पक्षामुळे नाही, तर एक नेता म्हणून मला ते प्रेरणादायी वाटतात. मला माझ्या देशावर जितकं प्रेम आहे, तितकंच या व्यक्तीबद्दलही आदर आहे.”

त्यांनी पुढे सांगितले, इवारा रोज सकाळी साईबाबांचे पुस्तक उघडते. त्या पुस्तकात मोदीजींचा एक फोटो आहे. ती गणपतीजवळ ठेवलेला लाडू घेते आणि त्या फोटोला प्रसाद दाखवते. हे तिला कुणीही शिकवलेले नाही. आम्हीही कधी तिला तसे करण्यास सांगितले नाही. पण तिच्या मनात त्यांच्याबद्दल एक वेगळे आकर्षण आहे. त्यांच्यात काहीतरी जादुई आहे.

https://prahaar.in/2026/06/27/digpal-lanjekars-film-daryabhavani-daryabhavani-is-the-seventh-cinematic-offering-in-the-shri-shivraj-ashtak-series-a-powerful-teaser-has-heightened-anticipation/

आजोबांची लाडकी इवारा

अथिया शेट्टी (Athiya Shetty) आणि के. एल. राहुल (K. L. Rahul) यांच्या घरी २४ मार्च २०२५ रोजी इवाराचा जन्म झाला. केएल राहुल यांच्या वाढदिवसानिमित्त दोघांनी मुलीची चाहत्यांना ओळख करून दिली होती. त्यावेळी तिचे नाव ‘इवारा’ असल्याचे जाहीर करत त्याचा अर्थ ‘देवाची भेट’ असा असल्याचेही सांगितले. इवाराच्या जन्मानंतर अथिया आणि राहुल यांनी तिचा चेहरा सार्वजनिकरित्या दाखवलेला नाही. मात्र, वेळोवेळी तिच्यासोबतचे फोटो सोशल मीडियावर शेअर केले आहेत. सुनिल शेट्टीदेखील अनेक मुलाखतींमध्ये आपल्या नातीबद्दल प्रेमाने बोलताना दिसतात. ते गंमतीने “इवारा म्हणजे अथिया २.०” असेही म्हणतात.

सुनिल शेट्टीचा नवा चित्रपट

दरम्यान, सुनिल शेट्टी यांचा ‘वेलकम टू द जंगल’ (Welcome to the Jungle) हा नवा चित्रपट नुकताच प्रदर्शित झाला आहे. चित्रपटाला प्रेक्षकांकडून संमिश्र प्रतिसाद मिळत असून, प्रदर्शनानंतर तो चर्चेत आला आहे.