Sunil Grover Viral Video: बॉलिवूड अभिनेता आणि लोकप्रिय विनोदी कलाकार सुनील ग्रोव्हर (Sunil Grover) पुन्हा एकदा सोशल मीडियावर चर्चेत आला आहे. यावेळी त्याच्या अभिनयामुळे नव्हे, तर त्याच्या साध्या आणि शांत जीवनशैलीमुळे चाहत्यांचे लक्ष वेधले गेले आहे. सोशल मीडियावर (Social Media) सक्रिय असलेल्या सुनीलने नुकताच एक व्हिडिओ (Video) शेअर केला असून तो मोठ्या प्रमाणात व्हायरल होत आहे.
सुनील ग्रोव्हरने त्याच्या अधिकृत इंस्टाग्राम अकाउंटवर हा व्हिडिओ पोस्ट केला आहे. व्हिडिओमध्ये तो रात्रीच्या वेळी गंगा नदीच्या घाटावर शांतपणे वेळ घालवताना दिसत आहे. आकाशात चमकणारे तारे, नदीकाठचे प्रसन्न वातावरण आणि साधेपणाने घालवलेले काही क्षण यामुळे हा व्हिडिओ अनेकांच्या पसंतीस उतरला आहे. या पोस्टला त्याने “तारे जमीन पर” असे कॅप्शन दिले आहे.
https://prahaar.in/2026/06/19/an-emotionally-wrong-decision-but-politically-correct-omraje-nimbalkar/
व्हिडिओ सोशल मीडियावर झपाट्याने व्हायरल झाला असून लाखो लोकांनी तो पाहिला आहे. हजारो चाहत्यांनी या पोस्टवर प्रतिक्रिया दिल्या आहेत. अनेकांनी सुनीलच्या साधेपणाचे कौतुक केले असून प्रसिद्धीच्या शिखरावर असतानाही जमिनीशी जोडलेला कलाकार असल्याचे म्हटले आहे.
View this post on Instagram
व्हिडिओमध्ये कोणताही दिखावा किंवा ग्लॅमर दिसत नाही. गर्दीत सामान्य लोकांसोबत बसून किंवा झोपून तो निसर्गाचा आनंद घेताना दिसत आहे. याच गोष्टीमुळे हा व्हिडिओ लोकांच्या मनाला भावत आहे. काही चाहत्यांनी या क्षणाला आध्यात्मिक अनुभवाची उपमा दिली आहे, तर काहींनी हेच खरे आयुष्य असल्याची प्रतिक्रिया दिली आहे.
https://prahaar.in/2026/06/19/bmc-ruling-party-itself-unhappy-with-drain-cleaning-work/
सुनील ग्रोव्हरचा हा व्हिडिओ केवळ मनोरंजनापुरता मर्यादित नसून साधेपणा, शांतता आणि निसर्गाशी असलेले नाते याची आठवण करून देणारा ठरत आहे. त्यामुळेच सोशल मीडियावर या व्हिडिओची जोरदार चर्चा रंगली आहे.