बॉलिवूड (Bollywood) अभिनेत्री उर्मिला मातोंडकर (Urmila Matondkar) यांचे एक्स-हसबंड मोहसिन अख्तर मीर (Mohsin Akhtar Mir ) यांनी दुसरे लग्न (Second Marriage) केल्याची चर्चा सध्या सोशल मीडियावर रंगली आहे. त्यांच्या निकाह समारंभाचे फोटो व्हायरल (Viral) होत असून चाहत्यांकडून शुभेच्छांचा वर्षाव होत आहे. (Urmila Matondkar Ex-Husband Mohsin Akhtar Married Again)

उर्मिला आणि मोहसिन यांचा विवाह 4 फेब्रुवारी 2016 रोजी झाला होता. मात्र, लग्नानंतर काही वर्षांनी दोघांमध्ये दुरावा निर्माण झाला आणि 2024 मध्ये त्यांनी कायदेशीररित्या घटस्फोट घेतला.

https://prahaar.in/2026/06/15/he-did-the-unthinkable-to-me-a-new-twist-in-the-saksham-tate-case/

घटस्फोटानंतर सुमारे दोन वर्षांनी मोहसिन यांनी निधा भट्ट हिच्याशी निकाह करून आयुष्याची नवी सुरुवात केली आहे. त्यांनी सोशल मीडियावर लग्नाचे फोटो शेअर करत पत्नीबद्दल प्रेम व्यक्त केले. “अल्लाहने मला तुझ्या प्रेम आणि प्रामाणिकपणाचे सुंदर वरदान दिले आहे,” असे भावनिक शब्द त्यांनी पोस्टमध्ये लिहिले आहेत.

लग्नसोहळ्यात मोहसिन पांढऱ्या रंगाच्या शेरवानीत तर निधा सोनेरी आणि आयव्हरी रंगाच्या शरारामध्ये आकर्षक दिसत होती. या फोटोवर चाहत्यांनी आणि मित्रपरिवाराने शुभेच्छांचा वर्षाव केला आहे.

https://prahaar.in/2026/06/15/mumbai-pune-in-just-48-minutes-plans-underway-to-build-7-high-speed-rail-corridors-in-the-country/

दरम्यान, मोहसिन यांच्या दुसऱ्या लग्नाबाबत उर्मिला मातोंडकर यांनी अद्याप कोणतीही प्रतिक्रिया दिलेली नाही. उर्मिला सध्या मनोरंजन क्षेत्रात सक्रिय असून विविध कार्यक्रमांमध्ये सहभागी होताना दिसत आहेत.