Gold Silver Rate: सराफा बाजारात काही दिवसांच्या घसरणीनंतर सोने आणि चांदीच्या किमतींनी पुन्हा उसळी घेतली आहे. सलग दुसऱ्या दिवशी सोन्या-चांदीच्या दरात वाढ नोंदवण्यात आली असून, जागतिक बाजारातील चढ-उतार आणि वाढलेल्या गुंतवणूक मागणीचा परिणाम देशांतर्गत बाजारावरही दिसून येत आहे. (Gold Silver Rate)

आज 24 कॅरेट सोन्याचा दर प्रति तोळा ₹1,49,080 वर पोहोचला आहे. शुक्रवारीच्या तुलनेत यात ₹500 ची वाढ झाली आहे. तर 22 कॅरेट सोन्याचा दर ₹1,36,650 प्रति तोळा झाला असून त्यात ₹450 ची वाढ नोंदवली गेली आहे.

https://prahaar.in/2026/06/13/nashik-bsnl-cable-theft-case-solved/

आजचे सोन्याचे दर

24 कॅरेट सोने: ₹14,908 प्रति ग्रॅम (+₹50)

22 कॅरेट सोने: ₹13,665 प्रति ग्रॅम (+₹45)

18 कॅरेट सोने: ₹11,181 प्रति ग्रॅम (+₹37)

चांदीचाही दर वाढला

सोनेप्रमाणेच चांदीच्या किमतींमध्येही वाढ झाली आहे. आज चांदीचा दर प्रति ग्रॅम ₹260.10 इतका नोंदवला गेला आहे. त्यामुळे एक किलो चांदीचा भाव सुमारे ₹2.60 लाखांवर पोहोचला आहे.

https://prahaar.in/2026/06/13/stand-up-comedian-pranit-more-that-was-my-biggest-mistake-pranit-more-clarifies-the-370-biryani-incident/

का वाढत आहेत दर?

आंतरराष्ट्रीय बाजारातील अनिश्चितता, डॉलरमधील चढ-उतार आणि सुरक्षित गुंतवणूक म्हणून सोन्याकडे वाढलेला कल यामुळे मौल्यवान धातूंच्या किमतींना पुन्हा आधार मिळाला आहे. तसेच जागतिक पातळीवरील भू-राजकीय तणावामुळेही गुंतवणूकदार सोने आणि चांदीकडे वळत असल्याचे तज्ज्ञांचे मत आहे.

मुंबई, पुणे, दिल्ली, कोलकाता, चेन्नई आणि गुजरातसह देशातील प्रमुख बाजारपेठांमध्ये सोन्या-चांदीच्या दरात वाढ नोंदवण्यात आली असून, आगामी काळात जागतिक घडामोडींवर या किमतींची दिशा अवलंबून राहणार आहे.