PUNE : पुण्यातील एका बड्या आयटी कंपनीत (TCS) कार्यरत असलेल्या ४८ वर्षीय अभियंत्याने राहत्या घरी गळफास घेऊन आपली जीवनयात्रा संपवल्याची धक्कादायक घटना समोर आली आहे. कंपनीतील दोन सहकारी आणि एका जवळच्या मित्राकडून दिल्या जाणाऱ्या सततच्या मानसिक त्रासाला कंटाळून हे टोकाचे पाऊल उचलल्याचे प्राथमिक तपासात उघड झाले आहे.

मृताचे नाव अमित अभय ब्रह्मे (रा. सीएमई गेटजवळ, भोसरी) असे आहे. या दुर्दैवी घटनेनंतर परिसरात खळबळ उडाली आहे.

https://prahaar.in/2026/06/12/fifa-world-cup-2026-unfortunate-incident-during-the-opening-match-fan-dies-outside-the-stadium-what-exactly-happened/

तक्रारीतील गंभीर आरोप

या प्रकरणी अमित यांचा मुलगा अनिश ब्रह्मे याने पोलिसांत तक्रार नोंदवली आहे. तक्रारीनुसार, अमित हे कंपनीच्या ‘डीईजी’ (DEG) प्रकल्पात कार्यरत होते. त्यांच्यासोबत काम करणाऱ्या दोन सहकाऱ्यांकडून त्यांना सातत्याने लक्ष्य केले जात होते.

https://prahaar.in/2026/06/12/pranit-more-controversy-pranit-more-in-trouble-over-controversial-content-chief-minister-devendra-fadnavis-reacts-to-the-matter/

तक्रारीत नमूद केलेले छळाचे प्रकार:

• महत्त्वाचे प्रकल्प त्यांच्याकडून काढून घेऊन त्यांना मानसिकदृष्ट्या खच्ची करणे.

• कंपनीच्या बैठकीत (Meetings) सर्वांसमोर अपमानास्पद आणि अवमानकारक शब्दांचा वापर करणे.

• कामाच्या ठिकाणी सातत्याने मानसिक दबाव निर्माण करणे.

https://prahaar.in/2026/06/12/nashik-crime-shocking-expose-of-the-sale-of-a-minor-girl-in-nashik/

मित्राचाही छळ

केवळ ऑफिसमधील सहकारीच नव्हे, तर जवळचा मित्र विनोद जेठालाल पालीचा याच्याकडूनही अमित यांना मानसिक त्रास दिला जात होता, असा आरोप आहे. विनोद यांची पत्नी कौटुंबिक वादामुळे परदेशात निघून गेली होती. या प्रकरणामागे ब्रह्मे दाम्पत्याचा हात असल्याचा संशय विनोद यांना होता. याच रागातून त्यांनी अमित यांच्याविरुद्ध चोरी आणि फसवणुकीच्या खोट्या तक्रारी दाखल केल्या होत्या, तसेच वकिलामार्फत नोटीस पाठवून त्यांना मानसिक तणावाखाली ठेवले होते.

https://prahaar.in/2026/06/12/son-kills-his-own-father-sister-injured/

चिठ्ठीतून गुपित उघड

अमित ब्रह्मे यांनी आत्महत्या करण्यापूर्वी एक चिठ्ठी (सुसाईड नोट) लिहून ठेवली होती. या चिठ्ठीत त्यांनी आपल्यावर होत असलेल्या अन्यायाचा आणि संबंधित व्यक्तींच्या नावाचा स्पष्ट उल्लेख केला आहे. पोलिसांनी ही चिठ्ठी ताब्यात घेतली असून, त्या आधारे पुढील तपास सुरू केला आहे.

या घटनेमुळे आयटी क्षेत्रातील कामाच्या ठिकाणच्या संस्कृतीवर (Workplace Culture) पुन्हा एकदा प्रश्नचिन्ह उपस्थित झाले असून, संबंधित आरोपींवर कठोर कारवाईची मागणी होत आहे.