Sydney : सिडनी येथे सुरू असलेल्या ऑस्ट्रेलियन ओपन बॅडमिंटन स्पर्धेत भारतीय महिला खेळाडूंनी शानदार कामगिरी करत स्पर्धेच्या दुसऱ्या फेरीत प्रवेश केला आहे. पीव्ही सिंधू आणि तन्वी शर्मा यांनी आपापल्या सामन्यात विजय मिळवत स्पर्धेत आगेकूच केली आहे.

https://prahaar.in/2026/06/10/hardik-pandya-fit-one-moment-unfit-the-next-hardik-out-of-the-odi-series-against-afghanistan-is-rohit-sharma-ready/

सिंधू आणि तन्वीचा दमदार विजय

दोन वेळची ऑलिम्पिक पदक विजेती आणि जागतिक क्रमवारीत १०व्या स्थानी असलेली पीव्ही सिंधू हिने पहिल्या फेरीत पेरूच्या इनेस कॅस्टिलोवर २१-१३, २१-११ असा सहज विजय मिळवला. आता दुसऱ्या फेरीत सिंधूचा सामना भारताच्याच इशारानी बरुआशी होणार आहे. इशारानीने आपल्या पहिल्या सामन्यात चीनच्या हान कियानक्सीला २२-२०, १०-२१, २१-१४ अशा संघर्षपूर्ण लढतीत पराभूत केले.

दुसरीकडे, तरुण खेळाडू तन्वी शर्मा हिनेही आपल्या फॉर्ममध्ये परतण्याचे संकेत दिले आहेत. गेल्या वर्षी बीडब्ल्यूएफ जागतिक ज्युनियर चॅम्पियनशिपमध्ये रौप्यपदक विजेत्या तन्वीने चायनीज तैपेईच्या जागतिक क्रमवारीत ११व्या क्रमांकावर असलेल्या चिउ पिन-चियानवर २१-१२, २२-२० असा विजय मिळवला. दुसऱ्या फेरीत तन्वीचा सामना मालविका बन्सोडशी होणार आहे, जिने थायलंडच्या टोनरग साहेंगला १५-२१, २१-७, २१-१३ असे पराभूत केले.

https://prahaar.in/2026/06/10/chaos-on-the-streets-after-the-lords-celebration-ben-stokes-viral-video-sparks-a-stir-england-signals-major-action/

पुरुष एकेरीत भारताला धक्का

महिला खेळाडूंनी आशा निर्माण केल्या असल्या तरी, पुरुष एकेरीत भारताला पहिल्याच फेरीत मोठा धक्का बसला आहे. किरण जॉर्ज, सनीत दयानंद आणि तरुण मन्नेपल्ली या तिन्ही खेळाडूंचा पराभव झाल्यामुळे पुरुष एकेरीतील भारताचे आव्हान पहिल्याच फेरीत संपुष्टात आले आहे.

दरम्यान, स्पर्धेच्या पूर्वसंध्येला पार पडलेल्या पुरुष दुहेरीच्या सामन्यात एम. आर. अर्जुन आणि हरिहरन आमसाकरुनन जोडीने विजयी सुरुवात करत दुसरी फेरी गाठली आहे.