मीरा-भाईंदर : मीरा-भाईंदर महापालिका क्षेत्रातील भाईंदर पूर्व येथील आझादनगर परिसरात आज सकाळी मोठी कारवाई करण्यात आली. सरकारी जमिनीवर गेल्या २० वर्षांहून अधिक काळ अतिक्रमण करून उभारलेली अनधिकृत मशीद कडेकोट पोलीस बंदोबस्तात पाडण्यात आली. या कारवाईनंतर परिसरात काही काळ तणावपूर्ण शांतता निर्माण झाली होती. (Bhayander Illegal Mosque Demolished)

मिळालेल्या माहितीनुसार, ही जमीन महापालिकेसाठी आरक्षित असून येथे विविध विकासकामे प्रस्तावित आहेत. मात्र, या भूखंडावर दीर्घकाळापासून अतिक्रमण असल्याचे समोर आले होते. याआधी परिसरातील इतर अतिक्रमणे हटवण्यात आली होती, मात्र मशिदीचा मुद्दा अनेक वर्षांपासून वादाच्या केंद्रस्थानी होता. (Bhayander Illegal Mosque Demolished)

https://prahaar.in/2026/06/08/terrible-accident-on-samruddhi-highway-private-travel-bus-hits-truck-25-passengers-injured/

अखेर आज सकाळी महापालिका आणि संबंधित यंत्रणांनी संयुक्त कारवाई करत ही अनधिकृत रचना हटवली. कारवाईदरम्यान मोठा पोलीस बंदोबस्त तैनात करण्यात आला होता, जेणेकरून कोणताही अनुचित प्रकार घडू नये. (Bhayander Illegal Mosque Demolished)

दरम्यान, स्थानिक प्रशासनाच्या माहितीनुसार, ही जमीन भविष्यात बाळासाहेब ठाकरे यांच्या नावाने कलादालन (आर्ट हॉल) उभारण्यासाठी निश्चित करण्यात आली आहे. त्यामुळे या कारवाईनंतर विकासकामांसाठी मार्ग मोकळा झाल्याचे सांगितले जात आहे. (Bhayander Illegal Mosque Demolished)

https://prahaar.in/2026/06/08/dadar-bus-accident-horrific-accident-in-dadar-speeding-bus-wreaks-havoc-3-bike-taxi-and-ola-uber-hit-one-dead-many-injured/

घटनेनंतर परिसरात पोलिसांचा बंदोबस्त कायम ठेवण्यात आला असून परिस्थितीवर सतत लक्ष ठेवले जात आहे. प्रशासनाने नागरिकांना शांतता राखण्याचे आवाहन केले आहे. (Bhayander Illegal Mosque Demolished)

 

View this post on Instagram

 

A post shared by Prahaar Newsline (@prahaarnewsline)