Philadelphia America: अमेरिकेतील पेनसिल्व्हेलिया राज्यात एका २८ वर्षीय भारतीय तरुणाची हत्या करण्यात आल्याची धक्कादायक घटना समोर आली आहे. मूळचा तेलंगणाचा रहिवासी असलेल्या अंशुल कुंचा याची पिझ्झा डिलिव्हरीच्या बहाण्याने बोलावून गोळ्या झाडून हत्या करण्यात आली. या घटनेने भारतीय समुदायात संतापाची लाट उसळली आहे.

https://prahaar.in/2026/06/07/panjab-crime-news/

नेमकी घटना काय?

अंशुल कुंचा हा गेल्या चार वर्षांपासून अमेरिकेत वास्तव्यास होता. एका नामांकित बहुराष्ट्रीय कंपनीत (MNC) नोकरी करूनही, आर्थिक नियोजनासाठी तो वीकेंडला पार्ट-टाइम पिझ्झा डिलिव्हरीचे काम करायचा. शनिवारी रात्री त्याला एका निर्जन भागात पिझ्झा डिलिव्हरीची ऑर्डर मिळाली. दिलेल्या पत्त्यावर पोहोचताच, दबा धरून बसलेल्या अज्ञात हल्लेखोरांनी त्याच्यावर बेछूट गोळीबार केला. हल्लेखोरांनी अंशुलच्या डोक्यात गोळ्या झाडल्या, ज्यामुळे त्याचा जागीच मृत्यू झाला.

https://prahaar.in/2026/06/07/shocking-incident-in-solapur-uncle-murders-5-year-old-nephew-area-in-a-state-of-shock/

‘तो केवळ हत्येचा कट होता’ – बहिणीचा आक्रोश

अंशुलच्या बहिणीने, तन्वीने या घटनेवर तीव्र दुःख व्यक्त केले आहे. तिने आरोप केला की, “ती एक बनावट (Fake) ऑर्डर होती. माझ्या भावाला संपवण्यासाठी तो एक जाणीवपूर्वक रचलेला सापळा होता. तिथे कोणताही ग्राहक नव्हता, केवळ मारेकरी वाट पाहत होते.” या अमानवीय कृत्यामुळे एका हसत्या-खेळत्या कुटुंबाचा आधार हिरावला गेला आहे.

https://prahaar.in/2026/06/07/nagpur-conversion-case-woman-molested-and-forced-to-convert-at-nagpur-dargah-6-people-booked/

तपासाची सद्यस्थिती:

स्थानिक पोलिसांनी या प्रकरणाची गंभीर दखल घेतली असून हत्येचा गुन्हा दाखल करण्यात आला आहे. पोलीस परिसरातील सीसीटीव्ही फुटेज तपासत असून, ही हत्या चोरीच्या उद्देशाने केली की त्यामागे काही वैयक्तिक पूर्ववैमनस्य होते, याचा कसून तपास केला जात आहे. या घटनेमुळे अमेरिकेतील भारतीय विद्यार्थ्यांच्या आणि काम करणाऱ्या तरुणांच्या सुरक्षेचा प्रश्न पुन्हा एकदा ऐरणीवर आला आहे.