– तब्बल दहा दशलक्ष लिटर मलजलावर केली जाते प्रक्रिया
मुंबई (विशेष प्रतिनिधी)
माहुलमधील प्रकल्पग्रस्तांच्या वसाहतीमध्ये उभारण्यात आलेला सांडपाणी प्रक्रिया केंद्राचे आयुर्मान संपुष्टात आले असून एका बाजुला पर्यावरण पुरक बाबींकडे लक्ष देणाऱ्या महापालिकेला या वसाहतीतील या प्रकल्पाकडे लक्ष द्यायलाच वेळ नाही. मागील ३ वर्षांपासून या प्रकल्पाची योग्यप्रकारे देखभाल केली जात नसल्यामुळे या प्रकल्पातील सांडपाण्यावर योग्यप्रकारे प्रक्रिया केली जात नाही. (Sewage treatment plant in Mahul)
https://prahaar.in/2026/06/03/municipal-corporations-participate-mumbai-initiative-to-increase-citizen-participation/
मलनि:सारण प्रचालन विभागाच्या अधिकाऱ्यांच्या म्हणण्यानुसार या प्रक्रिया केंद्रातील बार स्क्रीन, मलजल उपसा करणारे पंप, प्रक्रिया केलेल्या पाण्याचे पंप, विद्युत नियंत्रण् पॅनल इत्यादी यांत्रिकी व विद्युत उपकरणे खराब होत आहे.तसेच सांडपाण्यावर सुरळीत प्रक्रिया होण्यासाठी या उपकरणांच्या नुतनीकरणाची आवश्यकता आहे. तसेच परिसरात बसवलेली यंत्रे सुरक्षित ठेवण्यासाठी वेदर शेड आणि संरक्षण भिंतीेच काम करणे गरजेचे आहे. (Sewage treatment plant in Mahul)
https://prahaar.in/2026/06/03/khan-sir-coaching-classes-fire-attack-on-khan-sirs-coaching-center-some-people-are-troubled-because-of-my-success-khan-sir-makes-serious-allegations-against-rival-institutions/
अधिकाऱ्यांच्या म्हणण्यानुसार आता या प्रक्रिया केंद्राचे नुतनीकरण आणि पुढील पाच वर्षांच्या देखभालीसाठी नव्याने निविदा प्रक्रिया अंतिम झाली असून संबधित संस्थेची निवड झाल्यानंतर स्थायी समितीच्या मंजुरीनंतर या कामाला सुरुवात केले जाईल,असे अधिकाऱ्यांनी स्पष्ट केले आहे. (Sewage treatment plant in Mahul)