मुंबई (प्रतिनिधी) :

मुंबई खो-खो संघटनेच्या वतीने दादर येथील छत्रपती शिवाजी उद्यानात आयोजित मुंबई महापौर चषक खो-खो स्पर्धा २०२६ मध्ये शिर्सेकर्स महात्मा गांधी स्पोर्ट्स अॅकॅडमीने पुरुष आणि महिला अशा दोन्ही गटांमध्ये विजेतेपद मिळवत दुहेरी मुकुटावर कब्जा केला. तर व्यावसायिक गटात सेंट्रल रेल्वेने मुंबई पोलिसांवर मात करत महापौर चषक पटकावला.

https://prahaar.in/2026/06/01/lpg-gas-cylinder-price-lpg-consumers-get-another-shock-gas-cylinder-price-hike-new-rates-effective-from-today/

पुरुष गटाच्या अंतिम सामन्यात शिर्सेकर्स महात्मा गांधी स्पोर्ट्स अॅकॅडमीने श्री समर्थ व्यायाम मंदिरचा ११-९ असा एक डाव आणि दोन गुणांनी पराभव करत विजेतेपद मिळवले. रामचंद्र झोरे, धीरज भावे, प्रतिक देवरे, ऋषिकेश मूर्चावडे आणि निहार दुबळे यांच्या दमदार कामगिरीमुळे संघाला विजय मिळाला.

महिला गटात शिर्सेकर्स महात्मा गांधी स्पोर्ट्स अॅकॅडमीने सरस्वती कन्या संघावर १०-३ असा एकतर्फी विजय मिळवत चषकावर नाव कोरले. साक्षी वाफेलकर, देविका अहिरे, सृष्टी पाष्टे, साक्षी पारसेकर आणि मनाली दुपारगुडे यांनी संघाच्या विजयात महत्त्वाची भूमिका बजावली. व्यावसायिक गटाच्या अंतिम सामन्यात सेंट्रल रेल्वेने मुंबई पोलिसांचा १३-११ असा चुरशीच्या लढतीत पराभव केला. शुभम थोरात, अर्णव पाटणकर, अवधूत पाटील, रामजी कश्यप, दिलीप खांडवी आणि आकाश कदम यांच्या अष्टपैलू खेळामुळे सेंट्रल रेल्वेला विजेतेपद मिळाले.

https://prahaar.in/2026/06/01/pm-surya-ghar-yojana/

स्पर्धेचा बक्षीस वितरण समारंभ नगरसेवक यशवंत किल्लेदार यांच्या हस्ते पार पडला. यावेळी ॲड. अरुण देशमुख, बाळासाहेब तोरसकर, सुरेंद्र विश्वकर्मा, नरेंद्र कुंदर, पांडुरंग परब, डलेश देसाई, श्रीकांत गायकवाड, पराग आंबेकर आणि रुपेश शेलटर यांच्यासह अनेक मान्यवर उपस्थित होते.

https://prahaar.in/2026/06/01/accident-on-mumbai-pune-express-way-2-died-missing-link-traffic-stop-for-hour/

चुरशीचे सामने, उत्कृष्ट खेळ आणि खेळाडूंची जिद्द यामुळे यंदाची मुंबई महापौर चषक स्पर्धा क्रीडारसिकांसाठी विशेष आकर्षण ठरली.