मुंबई : मुंबई  मध्य रेल्वेच्या (Central Railway) मुख्य मार्गावरील सायन आणि माटुंगा स्थानकांदरम्यान रविवारी सकाळी ओव्हरहेड वायर (Overhead Wire) तुटल्याने रेल्वे वाहतुकीवर परिणाम झाला. या तांत्रिक बिघाडामुळे मध्य रेल्वेवरील लोकल आणि लांब पल्ल्याच्या काही गाड्या सुमारे २० मिनिटे उशिराने धावल्या. परिणामी सकाळच्या वेळेत प्रवाशांना मोठा मनस्ताप सहन करावा लागला.

https://prahaar.in/2026/05/31/south-delhi-building-collapse/

वाहतुकीचा खोळंबा कमी करण्यासाठी रेल्वे प्रशासनाने कुर्ला स्थानकावरून गाड्या जलद मार्गावर (Fast Track) वळवल्या. त्यामुळे मुख्य मार्गावरील वाहतूक सुरळीत ठेवण्याचा प्रयत्न करण्यात आला. मात्र या बदलामुळे काही लोकल गाड्यांच्या वेळापत्रकावर (Timetable) परिणाम झाला आणि प्रवाशांना अतिरिक्त प्रतीक्षा करावी लागली.

दरम्यान, या घटनेमुळे सकाळच्या गर्दीच्या वेळेत प्रवाशांना गैरसोय झाली. अनेक प्रवासी स्थानकांवर अडकून पडले होते. रेल्वे प्रशासनाने प्रवाशांना संयम बाळगण्याचे आवाहन करत सेवा शक्य तितक्या लवकर पूर्ववत केल्याचे सांगितले.