LSG VS PBKS : आयपीएल 2026 मध्ये लखनऊ सुपर जायंट्स आणि पंजाब किंग्स यांच्यातील महत्त्वाच्या सामन्यादरम्यान एक अत्यंत धक्कादायक घटना घडल्याचे वृत्त समोर आले आहे. स्टेडियममध्ये उपस्थित असलेल्या काही प्रेक्षकांनी थेट चिअरलिडर्ससोबत दुर्व्यवहार केल्याचा आरोप होत आहे. हा सामना दोन्ही संघांसाठी प्लेऑफच्या शर्यतीत टिकून राहण्यासाठी महत्त्वाचा होता. त्यामुळे चाहत्यांमध्येही मोठा उत्साह दिसून येत होता. अशातच काही अतिउत्साही प्रेक्षकांकडून हा दुर्व्यवहार करण्यात आला.
सध्या याचा एक व्हिडीओ व्हायरल होत आहे. त्या व्हायरल झालेल्या व्हिडीओमध्ये सुरक्षा रक्षक आणि पोलिस तात्काळ हस्तक्षेप करताना दिसत आहेत. महिला पोलिस कर्मचाऱ्यांनी संबंधित चाहत्यांना कडक शब्दांत सुनावले आणि परिस्थिती नियंत्रणात आणली. मात्र या घटनेनंतर आता सोशल मीडियावर संतापाची लाट उसळली आहे. संबंधित चाहत्यांवर कारवाईची मागणी जोर धरत आहे.
During the LSG vs Punjab match at Lucknow’s Ekana Stadium, some fans were seen misbehaving with the cheerleaders and troubling them. Police then arrived and took action against those fans.
Why do such things always happen in UP? pic.twitter.com/3iOQDnpc8Y
— 𝐑𝐮𝐬𝐡𝐢𝐢𝐢⁴⁵ (@rushiii_12) May 23, 2026
नेमकं काय घडलं?
शनिवारी (२३ मे) रात्री झालेल्या या सामन्यात पंजाब किंग्सच्या विजयाचे सेलिब्रेशन सुरू असताना, प्रेक्षक गॅलरीतील काही अतिउत्साही आणि मद्यधुंद चाहत्यांनी तिथे उपस्थित असलेल्या महिला चिअरलिडर्ससोबत अश्लील कृत्य केले. काहीनीं तर चक्क त्यांच्या अंगावर ड्रिंककैन फेकल्याचे आरोप होत आहे. पोलीसांनी संबंधित चाहत्यांवर कारवाई केली आहे.दरम्यान, सामन्यात पंजाब किंग्सने लखनऊचा ७ विकेट्सनी पराभव करत प्लेऑफच्या आश्या कायम ठेवल्या आहेत. कर्णधार श्रेयस अय्यरने शानदार शतक झळकावत संघाला महत्त्वाचा विजय मिळवून दिला. त्याने ५१ चेंडूंत १०१ धावांची खेळी केली. या विजयामुळे पंजाबचे १५ गुण झाले असले तरी प्लेऑफचे तिकीट अजून निश्चित झालेले नाही. आता त्यांचे भाग्य मुंबई इंडियन्स विरुद्ध राजस्थान रॉयल्स आणि कोलकाता विरुद्ध दिल्ली सामन्यांच्या निकालावर अवलंबून आहे.