“अरे मोटेगावकरांकडे बघा… विद्यार्थी पास व्हावेत म्हणून थेट अंगावर पाणीच टाकतायत,” अशा आशयाचा एक व्हिडीओ सध्या सोशल मीडियावर जोरदार व्हायरल होत आहे. NEET पेपरफुटी प्रकरणात चर्चेत आलेल्या RCC क्लासेसचे संचालक शिवराज मोटेगावकर यांच्यावर आता मीम्स आणि ट्रोल्सचा अक्षरशः पाऊस पडत आहे. विशेष म्हणजे, विद्यार्थ्यांना ‘१०१ प्रश्न’ दिले आणि त्यातीलच प्रश्न परीक्षेत आल्याचा व्हिडिओ समोर आल्यानंतर सोशल मीडियावर मोटेगावकर यांच्याभोवती टीकेची मालिका सुरू झाली आहे.

https://prahaar.in/2026/05/24/pre-monsoon-rains-wreak-havoc-in-marathwada-winds-blow-away-roofs-of-houses-hailstorm-causes-major-damage-to-orchards/

नेटिझन्सनी या प्रकरणाला वेगळंच वळण देत अनेक फनी पोस्ट तयार केल्या आहेत. “पास होण्यासाठी अभ्यास नको, मोटेगावकरांचे पाणी पुरे,” अशा भन्नाट कॅप्शनसह मीम्स व्हायरल होत आहेत. काही जणांनी तर विद्यार्थ्यांच्या डोक्यावर पाणी ओततानाचे एडिटेड फोटो शेअर करत “ही आहे १००% रिजल्टची गॅरंटी” असा टोला लगावला आहे.

https://prahaar.in/2026/05/24/neet-2026-paper-leak-case-yes-i-tore-the-neet-paper-accused-manisha-havaldars-shocking-confession-before-cbi-name-of-nta-officer-also-revealed/

दरम्यान, परीक्षांच्या काळात सोशल मीडियावर मीम्स आणि विनोद व्हायरल होण्याची परंपरा नवीन नाही. याआधीही CBSE बोर्ड परीक्षांदरम्यान विद्यार्थ्यांचा ताण कमी करण्यासाठी मीम्सचा वापर करण्यात आला होता.

मोटेगावकर प्रकरणानंतर मात्र विद्यार्थ्यांपासून पालकांपर्यंत सर्वत्र संताप आणि चर्चेचे वातावरण आहे. CBI कडून या संपूर्ण प्रकरणाचा तपास सुरू असून अनेक धक्कादायक खुलासे समोर येण्याची शक्यता व्यक्त केली जात आहे. सोशल मीडियावर मात्र लोकांनी या गंभीर प्रकरणालाही विनोदाचा तडका देत भन्नाट प्रतिक्रिया देण्यास सुरुवात केली आहे.

 

View this post on Instagram

 

A post shared by Prahaar Newsline (@prahaarnewsline)