नवी दिल्ली : अमेरिका आणि इस्रायल यांनी इराण विरोधात युद्ध सुरू केले. या युद्धामुळे होर्मुझ सामुद्रधुनीमार्गे होणाऱ्या मालवाहतुकीवर प्रतिकूल परिणाम झाला. होर्मुझ प्रश्नावर ऑगस्ट २०२६ पर्यंत ठोस तोडगा निघाला नाही तर जगात महामंदी येईल. ही महामंदी २००८ पेक्षा मोठी असेल, अशी भीती अर्थतज्ज्ञ व्यक्त करत आहेत.
https://prahaar.in/2026/05/22/vijay-shankar-retirement-out-of-team-india-for-6-years-ignored-even-in-ipl-auctions-vijay-shankar-finally-retires/

ब्रेंट क्रुडचे दर प्रति बॅरल १३० डॉलर पेक्षा जास्त होण्याची शक्यता आहे. तेल पुरवठा जुलै २०२६ पर्यंत सुरळीत झाला नाही तर जगापुढे तेल टंचाईचे संकट निर्माण होण्याची शक्यता आहे. होर्मुझ सामुद्रधुनीतील तणावामुळे यंदाच्या तिसऱ्या तिमाहीत तेल क्षेत्रात दररोज साठ लाख बॅरलची तूट निर्माण होण्याचा धोका आहे. यामुळे आंतरराष्ट्रीय बाजारात अस्थिरता वाढून महागाईचा मोठा फटका बसण्याची शक्यता आहे.होर्मुझ सामुद्रधुनी आणि इराणच्या युरेनियम साठ्यावरून पश्चिम आशियात तणावाचे वातावरण आहे. या तणावाचा परिणाम तेल बाजारावर होत आहे. फेब्रुवारीअखेरपासून आंतरराष्ट्रीय बाजारात तेलाच्या किमती जवळपास दुप्पट झाल्याचे समोर आले आहे. तेलाच्या किमती सतत वाढल्या तर मंदी येण्याचा धोका वाढेल. यामुळे होर्मुझप्रश्नी तोडगा निघणार की नाही, याकडे अनेकांचे लक्ष आहे.